موگادیشوداکی سالدیریدا اؤلنلر ساییسی 32-ه چیخدی
عبدالله احمد افراح، دونن بومبا یوکلو ماشین ایله تشکیل ائدیلن سالدیریدا، آرالاریندا سومالی عسگرلرین ده اولدوغو 32 نفرین اؤلدوگونو، تخمینن 50 نفرین یارالاندیغینی بیلدیردی
سومالینین باشکندی موگادیشودا، دونن بیر خالق بازارینین یاخینلیغیندا تشکیل ائدیلن بومبالی سالدیریدا اؤلنلر ساییسی 32-ه چیخدی.
سومالیدکی سالدیرینین ائدیلدیغی وادجیر بؤلگهسینین امنیت مسئولو عبدالله احمد افراح، دونن بومبا یوکلو ماشین ایله تشکیل ائدیلن سالدیریدا، آرالاریندا سومالی عسگرلرین ده اولدوغو 32 نفرین اؤلدوگونو، تخمینن 50 نفرین یارالاندیغینی بیلدیردی.
افراح، پارتلامانین تاثیریله اطرافداکی چوخ سایدا بینا و ایش یئرینده مادی زیان میدانا گلدیگینی ایفاده ائتدی.
کومیسار اداح حاجی دا سالدیرینین آردیندان باشلادیلان عملیاتدا، ترور تشکیلاتی الشباب عضوو اولدوقلاریندان شوبههلنیلن دؤرد نفرین امنیت گوجلرین طرفیندن نظارته آلیندیغینی بیلدیریب.
مسئوللار داها اوّل ائتدیکلری آچیقلامادا، حادثهده ایلک بیلگیلره گؤره 20 نفرین اؤلدوگونو، اونلارلا نفرین یارالاندیغینی قید ائتمیشدی.
دیگر طرفدن سومالینین یئنی سئچیلن پرزیدنتی محمد فرماجو، گئجه گئج ساعتلرده، خستهخانادا معالیجه گؤرن یارالیلاری زیارت ائتدی.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب