آمریکادا مایکل فلین‌ین ایستعفاسی سونراسی سولار دورولمور
دموکرات‌لار بو موضوعنون گئنیش بیر شکیلده آراشدیریلماسینی ایسته دی
آمریکا میللی امنیت موشاویری مایکل فلین‌ین ایستعفاسی سونراسی سولار دورولمور.
روسیانین واشینگتون سفیری ایله ائتدیگی گؤروشمه‌نین آیرینتیلاری‌نین اورتایا چیخماسی اوزرینه ایستعفا ائتمک مجبوریتینده قالان فلین‌ین بو تماسیندا یالنیز اولمادیغی، بو تماسا باشقا آدلارین دا قاتیلدیغی ادعا ائدیلیر.
دموکرات‌لار بو موضوعنون گئنیش بیر شکیلده آراشدیریلماسینی ایستیرکن، جمهوریتچی بعضی سناتورلار ده پرزیدنت دونالد ترامپ ایله روسیانین ایرتیباط‌ینی آراش‌دیرا‌جاق موستقیل سوروشدورما کومیسیونو یاپیلانماسینی و مایکل فلین‌ین ده بو کومیسیوندا ایفاده وئرمه‌سینی طلب ائدیر.
میللی امنیتین تهدید آلتیندا اولدوغونو وورغویا باشقان ترامپ ایسه فلین‌ه صاحب چیخدی.
"ژنرال فلین معجزه بیر آدام. داها اوّل ده دئدیگیم کیمی ساختا خبر مئدیاسی اونا چوخ اما چوخ حاق‌سیزجا داوراندی. آیریجا کشفیات تشکیلاتلاریندان سندلرین سیزدیریلماسی بیر جینایت‌دیر." ایفاده‌لرینی ایستیفاده ائدن ترامپ، گیزلی قالماسی لازیم اولان بیر چوخ سندین آسانجا مئدیایا سیزدیغینی و بونون اوزون زامان‌دیر ائدیلدیگینی ساووندو.
رهبرلیگین یانیندا یئر آلان جمهوریتچی‌لر ایسه گیزلی سند و معلومات‌لارین کشفیات تشکیلات‌لارینا نئجه سیزدیریلدیغی‌نین آراشدیریلماسینی ایسته‌دی.
ترامپ، میللی امنیت دانیشمان‌لیغی وظیفه‌سینی امیرال روبرت هاروارد-ا تکلیف ائتدی.
هاروارد –ین بو تکلیفی قبول ائدیب ائتمدیگی هله بیلینمیر.
آغ ائوه یاخین قایناق‌لار روبرت هاروارد-ین آمریکان باشقانی دونالد ترامپین میلی امنیت دانیشمان‌لیغی موقعیتی اوچون ائدیلن تکلیفی دوشونمک اوچون بیر نئچه گون ایستدیگینی بیلدیردی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
