آلمانیادا، تورک گؤکنلیلر دموکراتلار بیرلیگی پارتیسینا قاداغان گلدی
کؤلن محکمهسینده گلن قاداغانا سبب اولاراق ایسه، پارتینین لوگوسونون ساغچی پارتی AfD-نین لوگوسونا بنزمهسی گؤستریلدی
آلمانیادا، تورک گؤکنلیلر کؤلن شهرینده قوردوغو آلمان دموکراتلار بیرلیگی (Allianz Deutscher Demokraten/ADD) پارتیسینا قاداغان گلدی.
کؤلن محکمهسینده گلن قاداغانا سبب اولاراق ایسه، پارتینین لوگوسونون ساغچی پارتی AfD-نین لوگوسونا بنزمهسی گؤستریلدی.
اؤلکهده 5 ایالتده تشکیلاتلانان AfDدن، برلین تشکیلاتینی قورماغا حاضیرلاشارکن گلن قرارین سببی، سس وئرهجک اولانلارین لوگو بنزرلیگی سببیندن ایکی پارتینی قاریشدیرابیلهجگی اولدو.
پارتینین مطبوعات سؤزچو اوغور قاراداغ، محکمهنین طرفلی اولدوغونو، اؤزلرینه ایکیلی ایستاندارد ایجرا اولوندوغونو ایفاده ائدهرک، قرارا اعتراض ائدهجکلرینی سؤیلهدی.
قاراداغ، AfD-نین وکیلینین قراری اجتماعی مئدیادا پایلاشدیغینی، اؤزلرینه ائدیلن تضییقلره باخمایاراق پارتی اولاراق بؤیومهیه داوام ائتدیکلرینی قید ائتدی.
پارتینین ایکینجی باشقانیرمضان آکباش دا قرارا موطلق اعتراض ائدهجکلرینی ایفاده ائتدی.
آلمان دموکراتلار بیرلیگی، تخمینن 7 آی اوّل آلمانیا پارلامنتینین سؤزده ارمنی قانونونو تصدیقلمهسینه اعتراض اولاراق، ایش آدامی رمزی آرو، وکیل رمضان آکباش و خلیل ارتم طرفیندن قورولموشدو.