آمریکادا فدرال عالی محکمه‌سی، ترامپین ویزا قاداغانی باش ووروسونو رد ائتدی

عالی محکمه‌سی، ترامپین اها‌لی‌سی‌نین بؤیوک بؤلومو مسلمان اولان 7 اؤلکه وطنداش‌لارینا گیریش قاداغانی فرمانیندا لغو ائدن یئرلی محکمه قرارینی حاق‌لی گؤردو

669829
آمریکادا فدرال عالی محکمه‌سی، ترامپین ویزا قاداغانی باش ووروسونو رد ائتدی

آمریکادا فدرال عالی محکمه‌سی، پرزیدنت دونالد ترامپ رهبرلیگی‌نین، مسلمان 7 اؤلکه‌نین وطنداش‌لارینا ویزا قاداغانی باش ووروسونو رد ائتدی.

عالی محکمه‌سی، ترامپین اها‌لی‌سی‌نین بؤیوک بؤلومو مسلمان اولان 7 اؤلکه وطنداش‌لارینا گیریش قاداغانی فرمانیندا لغو ائدن یئرلی محکمه قرارینی حاق‌لی گؤردو.

بئله‌جه، محکمه، 7 اؤلکه وطنداش‌لاری‌نین "ویزا‌لاری اولسا بئله" آمریکایا قبول ائدیلممه‌سینی و 90 گون عرضینده ویزا وئریلممه‌سینی ایچه‌رن قرارنامه‌نین اویقولانماماسینا حؤکم ائتدی.

یئکدیل‌لیکله آلینان قراردا، آمریکا رهبرلیگی‌نین سؤز قونوسو اؤلکه وطنداش‌لارینا عاجیل اولا‌راق گیریش قاداغانی تطبیق سببینه باغلی هئچ بیر دلیل تقدیم ائتمدیگی وورغولاندی.

دونالد ترامپ بو قرارا توییتراوزرین‌دن اعتراض گؤستردی.

ترامپ، "محکمه‌ده گؤروشریک، خالقیمیزین امنیتی تهلوکه‌ده" ایفاده‌سینی ایستیفاده ائده‌رک قراری تکرار ان اوست محکمه‌یه داشیما سیگنا‌لی وئردی.

یوکسک محکمه‌نین دونالد ترامپ طرفین‌دن تعیین اولونموش یئنی باشقانی نئیل گرساچ، ترامپین محاکیمه‌یه ایستیقامت‌لی سؤزلرینی "روحیه پوزوجو" اولا‌راق سؤیله‌میشدی.

عللی محکمه حاضیردا 4-و لیبرال، 4-و محافیضظه کار 8 عضو‌دن عبارت‌دیر.

حاکم نیل گرساچ، هله سناتو طرفین‌دن تصدیقلنمدیگی اوچون سسوئرمه‌ده قاتیلامایاجاق.

بو سببله یوکسک محکمه‌دکی پروسه‌سین ده 4-ه قارشی 4 سسله تیخانماسی‌نین سؤز قونوسو اولا بیله‌جگی ایفاده ائدیلیر.

بو آرادا، واشینگتون ایالتی باش ساوچیسی روبرت فرگوسون، ترامپا سس‌لنه‌رک، مسلمان 7 اؤلکه وطنداش‌لارینا گیریش قاداغانی گتیرن فرمانیندا گئری گؤتورمه‌سینی ایسته‌دی.

فرگوسون، "پرزیدنت، اؤلکه ایچینده کاوسا سبب اولان تله‌سیک یازیلمیش بو تهلوکه‌لی سرنجامی بیر آن اوّل گئری چکمه‌لی‌دیر. اگر بونو رد ائتسه اونو آنایاسا قارشی‌سیندا مسئول توتماغا داوام ائده‌جه‌یم" دئدی.

فرگوسون، دولت باشقانی اولسا هئچ کیمین حقوق‌دان اوستون اولمادیغینی وورغولادی.



ایلگیلی‌لی خبرلر