کبک‌دکی ایسلاموفوبی بیر گئجه‌ده اورتایا چیخمادی
کبک شهرین‌دکی ایسلام مرکزینده آلتی مسلمانین اؤلدورولمه‌سی اؤلکه سویه‌سینده بؤیوک انفعاله یول آچدی
کبک‌دکی ایسلاموفوبیا بیر گئجه‌ده اورتایا چیخمادی
کانادا، کئچدیگیمیز هفته کبک شهری مسجیدینده آشیری ساغچی و آغلارین اوستونلوگونه اینانان بیری‌نین مسلمان جماعت عضو‌لرینی اؤلدورمه‌سین‌دن بو یانا، آزاد اورتامی حاقیندا آغیر سوال‌لارلا اوزلشمک‌ده‌دیر. کانادانین اؤز ایچینده داوام ائتدیردیگی اجتماعی مذاکیره‌لر، کانادا مسلمان‌لاری‌نین دیشلانماسین‌دان نه درجه تأثیرلی اولموشدور؟
فوتو آلتی یازی‌سی- کبک ایسلام مدنیت مرکزین‌دکی اؤلومجول سالدیریدا حیاتینی ایتیرن‌لردن اوچو اوچون مونترالدا تشکیل ائدیلن جنازه‌ده یاس توتان‌لار. (رویترز)
یازار: سبرین امروو، کانادا تورونتو اونیورسیته‌سینده اینسانی جوغرافیا بؤلومونده دوکتورا شاگیردی‌دیر.
کبک شهرین‌دکی ایسلام مرکزینده آلتی مسلمانین اؤلدورولمه‌سی اؤلکه سویه‌سینده بؤیوک انفعاله یول آچدی. خالد بلقاسمی، آزئدین سوفیان، ابوبکر تابتی، عبدالکریم حسنی، مامادوو تانوو باری، و ابراهیم باری، 27 یاشین‌داکی تجاووزکار آلکساندر بیسونت عبادتخانه‌یه دالیب اونلاری اؤلدورمه‌دن اوّل ناماز قیلیردی‌لار. بیر چوخ اینسان بو فاجعه‌لی حادثه‌نی، آمریکا دونالد ترامپین گئده‌رک آرتان نیفرت ایفادلریله باغداشدیردی. یانلیش دا ساییلمازلار؛ آنجاق حکایه‌نین هامیسی بون‌دان عبارت دئییل.
بازار گونو اولان بیتن، تک باشینا حرکت ائدن بیر نفرین ایشی اولا بیلر. آنجاق، منه قالسا بو سالدیری کبکده سون 10 ایلدیر داوام ائدن گئنیش اجتماعی مذاکیره‌لر ایله علاقه‌لی‌دیر.
بیسونت و من عینی یاشداییک؛ و عینی نسلین عضولریگیک. من فیلیسطین‌لی بیر عائله‌یه منسوب اولا‌راق کبک، مونترالدا دوغولدوم و بؤیودوم. عائله‌م، شهرین فرانسیز دانیشیلان بیر بؤلگه‌سی اولان Ville Lasalle-ه یئرلشمیش‌لر. من 101 سایلی قانونون قوه‌ده اولدوغو بیر زامانین اؤولادییام؛ یعنی، بؤلگه‌نین "اصل" صاحب‌لری‌نین دیل و مدنیتینی قوروما آدی آلتیندا فرانسیزجا تحصیل وئرن بیر مکتبه گئتمک مجبوریتیندیدیم. و خیر؛ اصل صاحب‌لر دئیرکن، توسباغا آداسی‌نین (Turtle Island) یئرلی‌لرینی قصد ائتمیرم. بورادا بحث ائتدیگیم فرانسیز سؤمورگجیلری‌نین واریث‌لری اولان اینسان‌لار؛ ایشده اونلارین مدنیتی.
فوتو آلتی یازی‌ی - 6 کانادا‌لی مسلمان، کبک ایسلام مدنیت مرکزین‌دکی سالدیریدا اؤلدورولدو. سالدیرینین شوبهه‌لی‌سی اولان آلکساندر بیسونت، سالدیری اوّلینده آشیری ساغچی و مسلمان علیهداری فیکیرلریله بیلینیردی. (رویترز)
کبک‌دکی، منشعی عرب اولان و اولمایان بیر چوخ مسلمان، 101 سایلی قانونون اوشاق‌لاری‌دیر. سالدیریدا حیاتینی ایتیرن‌لرین اصل مملکت‌لری اولان اؤلکه‌لر، یعنی تونیس، الجزایر، مراکش و گینه ده، فرانسیز دانیشان اؤلکه‌لره داخیل‌دیر. منیم نسلیم، یعنی قاچقین اوشاق‌لاری، فرانسیز دیلینی قوجاخلامیش بیر بیرلیک‌دیر. کبک مدنیتی‌نین، باسقین اینگیلیس مدنیتی طرفین‌دن سؤمورگه‌لشدیریلمیش اولدوغو ایفاده‌سینی منیمسمیش‌لر. بیزلر، فرانسیز دیلینی یاشاتماق و قوروماق اوچون وئریلن موباریزه‌ده همرای‌لیک ایچیندیدیک. آنجاق، گؤرونن او کی، بو کیفایت دئییلدی.
2007-جی ایلده، کبکده یاشایان‌لارین "مقبول مدنی و دینی اوزلاشما‌لار" حاقین‌داکی فیکیرلرینی اورتایا چیخارماق اوچون بیر کومیسیون قورولدو. بو عینی زاماندا بوچارد-تایلر کومیسیونو اولا‌راق دا آدلاندیریلیردی. بونون چوخ آخماق بیر تلاش اولدوغونو دوشوندوگومو خاطیرلاییرام؛ یعنی شهرده گزیب، اینسان‌لارا "اجتماعی ساحه‌ده بیر یئره صاحب اولماغی حاق ائدن آدام و تشکیلات‌لار هانسی‌لاردیر" دئیه سوروشماق. آخشام ساعت‌لاریندا اؤلکه‌نین هر یئرینده یایینلانان اوتوروملاری ایزلدیگیمیز خاطیرلاییرام. اینسان‌لارین سؤیلمکده بحث گؤرمدیک‌لری شئی‌لر سون درجه اؤلچوسوزدو و هله چوخ دقیق بیر شکیلده حافیظه‌مد‌لر؛ "کبکده نه قدر گؤچمن وار؟ 20-دن چوخ اولما‌لی‌دیر. دف اولون گئدین! پاچاورا‌لارینیزی و چؤر چؤپونوزو ده آلین! "هر آخشام باشقا بیر شهر ایجلاسی یایینلانیردی. هر آخشام، بون‌لارا بنزر نیفرت دولو آچیقلاما‌لارا تلویزیوندا سؤز حاقی وئریلیردی.
حیاتیمدا ایلک دفعه، کبک‌لی اولماغی حاق ائتدیگیمی ثبوت لازیم ایدی. او زامان‌لار، Dawson کولژینده چوخ صاف بیر بیرینجی صینیف اؤغرنجیسیدیم، و بو چتینلیگین مسئولیتندن گلمک ایستدیم. کانادا رادیوسونون گنج‌لر و اوشاق‌لار اوچون حاضیرلادیغی بیر پروقرامدا یئرلی موخبیر اولماق اوچون کؤنول‌لو اولدوم. شهرده گزیب، گؤچمن عائله‌لرین گنج اوشاقلارییلا گؤروشوب، مقبول اوزلاشما مذاکیره‌لری‌نین اونلاری نئجه تأثیر ائتدیکلرینه دایر فیکیرلرینی آلیردیم. اما اصلینده، هامیمیز نه قدر کبک‌لی اولدوغوموزو ثبوت ائتمه‌یه چالیشیردیق؛ باشیمیزین اؤرتوسونه، توند دری رنگیمیزه، و الله‌ا اولان قوت‌لی اینانجیمیزا باخمایا‌راق.
ارته‌سی ایل، کومیسیون، گله‌جگی تیکمک آدلی داستانین سونوندا "اطراف‌لی" بیر راپور یایینلادی. بو راپورا گؤره، گله‌جگیمیز نامعلوم. بوتون بو تطبیق، یالنیز اجتماعی ناراحات‌لیغی یایماق موضوعسوندا وئریملی اولموشدو.
بیردن چوخ دفعه، اینسان‌لار منی کوچه‌ده دایاندیریب، باشیمداکی "او شئیی" تاخماق مجبوریتینده اولمادیغیمی سؤیله‌دی‌لر. بیر سفرینده، بیر اوتوبوس سوروجوسو منه، اؤز قیزینی حجاب تاخماسی اوچون اصلا زورلامایاجاغینی سؤیله‌دی. من اوتوبوس شوفرینه بونون اؤز سئچیمیم اولدوغونو ایضاح ائتمه‌یه چالیشارکن، اوتوبوس‌‌‌دکیلری ده منه باخماغا داوام ائتدی‌لر.
اؤزومو بیر اجنبییه حاق‌لی گؤسترمه احتیاجیم اولدوغونو حیس ائتمم، منه بنزه‌ین اینسان‌لارین قارشیلاشدیغی تضییق‌لرین بیر دلیلی‌دیر. کانادا‌داکی قهوه و شیرین چؤرک زنجیری اولان تیم هورتونسدا هفته سون‌لاری چالیشارکن، بعضی اینسان‌لار منیم طرفیم‌دن وئریلن خیدمتی رد ائدیرلردی. کیمی‌لری منه تروریست دئدی.
بعضی لری ایسه، موکمل بیر فرانسیز دیلی قونوشماما باخمایا‌راق، ال‌‌لریله قهوه‌لرینه نه قدر شکر و کرم قویمامی ایستدیکلرینی آنلاتمایا چالیشیرردی، چونکی بئنیم اونلاری آنلایامایاجاغیمی دوشونورلردی. کوچوک گؤرولدوم و دیشلاندیم. کومیسیون راپورونو یایینلادیقدان دؤرد آی سونرا مونتراله گیتمک اوچون کبک‌دن آیریلدیم. توپلومسال دیالوگ‌لار تلویزیون، رادیو قزئته‌لرده دوام ائتدی ائتدیک. آرادا بیر خبرلره باخار اولموشدوم. پولیتیکاچی‌لار، تلویزیونداکی اؤنئملی شخصیتلر یازارلارین ائتدیک مسلمان‌لاری اؤزلری حاقیندا قورخونج حیس ائتدیریرکن گؤسترمیش اولدوق‌لاری راحت‌لیق و قیدسیزلیک او قدر آشگاردی کی، اوجقار بیر قصبه اولان هروویلده بئله یئرلی خالق بلدیه رجم جزاسینی قاداغاسینا چاغیردی. کی رجم، بوراخین کانا‌دانی، کبکده بئله اصلا اولمامیش بیر شئی ایدی. آخماق‌لیق‌لارا اجتماعی ایفاده‌لردن جیدی بیر یئر وئریلیردی. چوخ گولونج بیر وضعیت ایدی، و بؤیومه‌یه داوام ائدیردی. 2013 تورکیه‌یه داشیندیم. او ایل، کؤچ علیهداری و موستقیل‌لیک طرفداری پارتی Québécois پارتیسین‌دن پاولین مارویس موضوعیلا علاقه‌دار دانیشینجا کیزیلجا قیامت قوپدو. او و قروپو مقبول اوزلاشما دستانینا داوام ائدر شکیلده، "ظاهر سمبول‌لار" آدیندا یئنی بیر تطبیق گتیرمک ایسته‌دی‌لر. بو تطبیق کبکده یارادیلمیش اولماسینا باخمایا‌راق، ایفاده‌سی فرانسا‌دان چالینمایدی. کبکده یاشایان‌لار، بعضی کبک‌لیلرین ایلیشمه درجه‌سینده فرانسا کیمی اولما آرزوسونو بیلیرلر. دوگماتیک سئکولریزمین فرانسیز مودئلینی تقلید ائتمه آرزوسو، کبک انتلیجانسیاسین‌دان بعضی کس‌لر عینی شئیی کبک اوچون ایستمه‌یه قرار وئردی‌لر. منیم کیمی اینسان‌لارا دا بونون بدلینی اؤدمک قالدی. فوتو آلتی یازی‌سی - کبک باش ناظیری پائولین مارویس، اجتماعی ساحه‌ده دینی ایفاده آزادلیغینا محدودیت‌لر گتیرن فرانسیز طرزی سئکولاریزمی ساوونماقتادیر. (AP) منیم کیمی حجاب تاخان قادین‌لاری هدف آلدی‌لار. اؤزلرینی، بدن‌لریمیزدن و پالتار سئچیمیمیزی کونترولا حصر ائتمیش اولان پائولین و یولداش‌لاری، یئره گؤیه سیغدیرامادیق‌لاری "دگرلر بیاننامه‌سی"نی قوروما بهانه‌سی آلتیندا سمبول‌لار اوزرین‌دن بیر مذاکیره قوردولار. پائولین، نئو-لیبرال و آغ فمینیست ایدئولوژیسینی تطبیق قویارکن، مسلمان قادین‌لارین زوراکیلیغین هدفی حالینا گلمه‌سینه یول آچدی. تامامیله فرق‌لی تئمپولاردا اولسا دا، بیسونت و من، ایکیمیز ده، کبک‌دکی مسلمان‌لارین اؤته‌کیلشدیریلمسی ایفاده‌سی‌نین بؤیومه‌سینه شاهیدلیک ائتدیک. او، منیم کیمی اینسان‌لاردان قورخماغی اؤیرندی، و من ده اؤزوم حاقیندا گوناهکارلیق حیس ائتمگی اؤیرندیم. ایسلاموفوبیا کبکده یئنی بیر شئی دئییل. کانادادا گئنیش بیر میقیاسدا موجوددور، آنجاق کبکده خصوصیله اینجیدیجی‌دیر. داها اینجیدیجی‌دیر، چونکی کبک اؤزونو داها موترققی، و اجتماعی عدالت و برابرلیک موباریزه‌سینده چاغ ایله اویغون گؤرور. آنجاق سیاستچی‌لر و آنا آخین اینتللکتوال‌لار طرفین‌دن ائدیلن دوشونجه‌سیز آچیقلامالادان اورتایا چیخان شدت هؤرگوسو، اؤزلرینی "اصل" کبک‌لی اولا‌راق منیمسه‌ین اینسان‌لاری راحت ائتدیررکن، منیم کیمی‌لری ده ایستنمه‌ین کیشیلرمیش کیمی حیس ائتدیردی. موجود سؤیلمه باخمایا‌راق، بو ناراحات وضعیت یالنیز مسلمان‌لاری هدف داشیمیر. بیر نئچه هفته اوّل موباریزه‌چی قیز قارداش‌لار (Sisters in the Struggle) آدیندا 25. ایلینی قوتلاماقدا اولان بیر مستند ایزله‌دیم. فیلمده، هایتی‌لی اجتماعی خیدمت وظیفه‌لی‌سی و فعال Amanthe Estiverne-Bathalien ، کبک جمعیتی ایله علاقه‌دار اهمیت‌لی بیر موشاهیده‌سینی پایلاشیردی. هایتی و کبک تاریخی بیر چوخ اورتاق خصوصیته صاحب اولسا دا، او بئله دئییردی: "کبک جمعیتی هایتی بیرلیگینه قارشی بیر ناراحات‌لیق حیس، چونکی هایتیلیلرین اوچونجو دونیانین اینسان‌لاری‌دیر، چونکی بیزلر سیاهیق ... بونا گؤره ده، اینتقره ائدیله بیلمه‌ین گؤچمنلر اولا‌راق دگرلندیریلیریک. بو جمعیتین بیر پارچاسی اولا بیلمریک، و اگر دریمیزین رنگینی تمل آلیرلارسا دا حاق‌لی‌دیرلار، چونکی هئچ بیر زامان آغ اولا بیلمریک. "ایشده تام دا بو ناراحات‌لیق گؤره‌دیر کی، ان لیبرال فردلر بئله" دگرلر "بیاننامه‌سی‌نین و مقبول اوزلاشما آدلی نوماییشین عرقچی طبیعتینی گؤرممزلیک‌دن گلمیش‌لر. مسلمان‌لار، مارک- آندرو یا دا فیلیپ، دیان و یا Genevieve کیمی گؤرونمیه‌جکلردیر؛ آنجاق بو وضعیت اونلاری نه ایکینجی صینیف وطنداش ائدر، نه شوبهه‌لی ائدر، نه ده اونلارا کوتلوی اینفورماسیون واسیطه‌لریله حیاتا کئچیریلن شخصیت آراشدیرما‌لاریم دایاتیلماسینا ایجازه وئریر. موجود وضعیتده، بیر چوخ اینسان کدر ایچینده‌دیر، چونکی اؤزلری کیمی اینسان‌لارین پشمان اولونا‌جاق تدبیرلر ائده بیله‌جگینه اینانماق ایستمیرلر. ایللر بویونجا ییغیلان باغنازلیغی گؤرممزلیک‌دن گلمکده یا دا گؤره بیلممکده‌دیر. اینسان‌لارین گئجه توتدوق‌لاری نؤبت چوخ خوش؛ بیرلیکده یاس توتماق ساکیتلشدیریجی بیر تأثیره صاحب. بلدیه‌نین وئردیگی دستک ایسلام جمعیت مرکزی باشقانینی دویغولاندیردی و گؤستردیک‌لری شفقت‌دن اؤتورو اینسان‌لارا فرانسیز اولا‌راق تشککور ائتدی. آنجاق، شفقت و پای‌لاشیلان آجی، 2007-جی ایلدن بو یانا کبکده یاشانان‌لارین آچیقجا قبول ائدیلمه‌سی ایله دستکلنمزسه، سون درجه تخریب ائدیجی اولا بیلر. اون ایل عرضینده، مسلمان‌لاردان، بیر بیرلیگه و بیر آداما اصلا سورولامایاجاق و اصلا سورولماماسی لازیم اولان بیر شئی اثباتلاما‌لاری ایستندی؛ حؤرمت و اعتبارا لاییق اولوب اولمادیق‌لاری. آلتی گوناه‌سیز اینسانین، یئره اییلمیش الله‌ا دعا ائدرکن و اوندا تسللی آختارارکن اؤلدورولمه‌سی، سیاسی سؤیلمدکی عرقچیلیگین گوجونو آچیق بیر شکیلده گؤستردیر. اون ایل سورن و تمل‌دن دیشلاییجی، عرقچی و ایسلاموفوبیک اولان بیر مذاکیره‌یه مداخیله اولماق، بو جور بیر نیفرتین بوگویه‌جگی وئریملی بیر ساحه‌ده میدانا گتیردی. نتیجه‌لر اؤلومجول اولدو. بازار گونکو سیلاح‌لی سالدیری‌دان بو یانا، یالنیز مونترالدا مسلمان‌لارا قارشی 14 نیفرت گوناهی ایشلندی. کبک‌ین بیر ترامپ پروبلمی یوخدور. کبک‌ین بیر ایسلاموفوبیا پروبلمی واردیر. گؤزیاشی تؤکرکن بونون دا فرقینه وارین
