پیتر کوک-ون سون مطبوعات کونفرانسی
آمریکانین ساوونما ناظیرلیگی‌نین سؤزچوسو پیتر کوک اؤلکه‌سی‌نین سوریه-ده الباب عملیاتینا وئردیگی دستکین ترور تشکیلاتی داعش-ه قارشی حیاتا کئچیریلن گئنیش مقیاس‌لی کوردیناسیونون حیصه‌سی اولدوغونو و بونو رقه-ده ده دا گؤرمک ایستدیک‌لرینی سؤیله دی.
آمریکانین ساوونما ناظیرلیگی‌نین سؤزچوسو پیتر کوک اؤلکه‌سی‌نین سوریه-ده الباب عملیاتینا وئردیگی دستکین ترور تشکیلاتی داعش-ه قارشی حیاتا کئچیریلن گئنیش مقیاس‌لی کوردیناسیونون حیصه‌سی اولدوغونو و بونو رقه-ده ده دا گؤرمک ایستدیک‌لرینی سؤیله دی.
وظیفه‌دن آیریلما‌دان اونجه تشکیل ائتدیگی سون مطبوعات کونفرانسیندا پیتر کوک روسیا‌دان سونرا آمریکا و اینگیلتره‌یه اوچاقلارینین دا الباب عملیاتینا دستک اولماسی آمریکا ایله روسیا آراسیندا تورکیه اوزرین‌دن آدی قویولمامیش بیر امکداش‌لیق اولوب اولمادیغینا دایر سوالا جاواب وئره‌رک دئدی کی، تورک متفیق‌لریمیز و امکداش‌لیق ائتدیک‌لری قوه‌لر داعش-ه قارشی عملیات حیاتا کئچیریر. کوالیسیون ایله یاخین کوردیناسیون ایشلری داوام ائتدیریلیر. بونون دئتال‌لاری حاقیندا معلومات وئره بیلمه‌یه‌جه‌یم و دیگر اؤلکه‌لر آدین‌دان دانیشا بیلمه‌رم. اما بو داعش-ه قارشی دایمی مغلوبیت وئرمک اوچون گؤستریلن گئنیش مقیاس‌لی جهدلرین حیصه‌سی‌دیر.
داعش ترور تشکیلاتینا هر طرفدن تضییق ائدیلمه‌سی‌نین داشیدیغی اهمیتی وورغولایان کوک موختلیف اؤلکه‌لرین داعش هدف‌لرینی وورماسی ایله علاقه‌لی اولا‌راق بیلدیردی کی، الباب-دا گؤرمک ایستدیگیمیز ائله بودور. عینی شئیی رقه-ده ده گؤرمک ایستییریک، موصول-دا دا لیبی ده ده همچنین. داعش-ین بیر یئرلری اؤزو اوچون تهلوکه‌سیز بؤلگه‌یه چئویرمه‌سینه ایجازه وئرمه‌یه‌جه‌یک.
پنتاگونون مطبوعات کاتیبی پیتر کوک داعش-ین یوکسک سویه‌لی سلاحیت‌لی‌لرین‌دن ابو انس العراقی ژانویه‌نین 8-ده رقه-یه گئدرکن آمریکانین اوزه ل قوه‌لری طرفین‌دن حیاتا کئچیریلن عملیاتدا اؤلدورولدوگونو ده تصدیقله دی.
کوک اونو دا علاوه ائتدی کی، العراقی‌‌نین کئچمیشده القاعده ایله علاقه‌سی‌نین اولدوغو دا معلوم‌دور. القاعده نین خاریجی هوجوم‌لارینا مسئول اولدوغو ادعا ائدیلن محمد حبیب بوسسددین التونیسی ده ژانویه نین 17-ده ادلیب یاخینلیغیندا حیاتا کئچیریلن هاوا هوجوموندا اؤلدورولموش‌دور.
