ترامپ، ایسلند-ده پوتین گؤروشهجک
دونالد ترامپ-ین آند ایچمه مراسیمیندن بیر نئچه هفته سونرا ایسلند-ین پایتاختی ریکیاویک-ده روسیا پرزیدنتی ولادیمیر پوتین ایله گؤروشهجگی احتیمال اولونور.
آمریکانین یئنی سئچیلمیش پرزیدنتی دونالد ترامپ 20 ژانویهده تشکیل ائدیلهجک آند ایچمه مراسیمیندن سونرا وظیفهیه باشلایاجاق.
اونون آند ایچمه مراسیمیندن بیر نئچه هفته سونرا ایسلند-ین پایتاختی ریکیاویک-ده روسیا پرزیدنتی ولادیمیر پوتین ایله گؤروشهجگی احتیمال اولونور.
ساندی تایمز ژورنالینین" ترامپ، ریکیاویک شهرینده پوتین ایله بیر آرایا گلمک ایستیر" باشلیقلی خبرینده: 20 ژانویهده آند ایچهرک رسمی اولاراق وظیفهسینه باشلایاجاق اولان ترامپ پوتین ایله طرفسیز بیر اؤلکهده گؤروشهجک. ترامپ اتم سلاحلارینا سینیرلاما گتیرمک مقصد ایله روسیا ایله آنلاشما الده ائتمک اوچون چالیشمالارین باشلادیلماسینی پلانلاشدیریر.
خبرده همچنین آمریکانین اسکی پرزیدنتلریندن رونالد ریگان دؤورو ده خاطیرلادیلاراق بیلدیریلدی کی، ریگان دا 1986-جی ایلده سووئتلر بیرلیگی کمونیست پارتینین باش کاتیبی میخائیل گورباچف ایله ریکیاویک شهرینده بیر آرایا گلمیش، ذیروه توپلانتیسیندا اتم سلاحلارین محدودلاشدیرلماسی مسئلهسی موذاکیره ائدیلمیشدی.
قئید ائدک کی، دونالد ترامپ کئچن هفته وال استریت ژورنال قزئتینه وئردیگی موصاحیبهده باراک اوبامانین باشچیلیغی دؤورونده سیبرکورسانلیق سببیله روسیایا تطبیق اولونماغا باشلانان تحریم لرین بیر مدت داها اجرا اولاجاغینی، آنجاق داعش ایله موباریزهده امکداشلیق ائتمهسی حالیندا تحریم لرین قالدیریلا بیله جگینی دئمیشدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب