برزیلده یئنی ایلله بیرلیکده حبس‌خانادا عصیان‌ چیخدی

برزیل‌ده یئنی ایلله بیرلیکده آرتیم گؤسترن حبس‌خانا عصیان‌لارینا بیر یئنی‌سی علاوه اولوندو.

ریو گراند دو نورت ایالتین‌دکی آلجاچوز حبس‌خانادا چیخان عصیاندا 26 محکوم، باشی کسیله‌رک اؤلدورولدو.

بون‌لاردان ایکی‌سی ایسه فجیع شکیلده یاندیریلدی.

محکوم‌لارین بدن‌لری تانینماق اوچون محکمه دوکتورونا گؤندریلدی.

ائدیلن آراشدیرما‌لارا باخمایا‌راق بو آنا قدر هئچ بیر محکومون هویتی تانینانمادی.

حبس‌خانادا ایکی قروپ آراسین‌داکی دؤیوش نتیجه‌سینده چیخدیغی تخمین ائدیلن عصیان 14 ساعت سونرا کونترولا آلیندی.

برزیل حکومتی، قوزئی ایالت‌لرین‌دکی حبس‌خانا‌لاریندا امنیتین تامین ائدیلمه‌سی اوچون اوردو بیرلیک‌لرینی ده سفربر ائتدی.

620  نفر توتوم‌لو حبس‌خانادا مین 83 محکوم وار ایدی.

باهیا ایالتینده ایسه، حبس‌خانایا گؤندریلمک اوچون پولیس مرکزینده توتولان 21 محکوم قاچدی.

حادثه‌نین آردین‌دان باشلادیلان عملیاتدا 6 محکوم توتولدو.

برزیل‌ده یئنی ایلله بیرلیکده باشلایان حبس‌خانا عصیان‌لاریندا یوزه یاخین اینسان اؤلدو.