ترامپ ایلک مطبوعات توپلانتیسینی رئاللاشدیردی
امریکادا 20 ژانویهده باراک اوبامادان باشقانلیق وظیفهسینی تحویل آلاجاق اولان دونالد ترامپ آیلاردیر گؤزلنیلن مطبوعات توپلانتیسینی نهایت رئاللاشدیردی.
امریکادا 20 ژانویهده باراک اوبامادان باشقانلیق وظیفهسینی تحویل آلاجاق اولان دونالد ترامپ آیلاردیر گؤزلنیلن مطبوعات توپلانتیسینی نهایت رئاللاشدیردی.
توپلانتیدا هر زامانکی میزاحیندا اولان دونالد ترامپ، بوروکراتیک و سیاسی اولماقدان اوزاق ایدی، دوشوندوکلرینی آچیقجا سؤیلهدی.
بونلارین باشیندا، ترور تشکیلاتی داعش-ین امریکانین ایندیکی حاکمیت طرفیندن یارادیلدیغینی تکرار بیان ائتمهسی ایدی.
ترامپ-ین، روسیانین آمریکا سئچکیسینه موداخیلهسینه باغلی سؤزلرینین باشلانغیجی یئنی دئییلدی، اما داوامی ماراقلی ایدی.
روسیانین آمریکانین باشقانلیق سئچکیلرینده سیبر سالدیری ایله موداخیلهسینین اولدوغونو آنجاق سئچکی نتیجهسینده تأثیرینین اولمادیغینی بیلدیرن ترامپ دئدی کی، اصل چین و دیگر اؤلکهلردن گلن سیبر سالدیریلارا نظر سالینمالیدیر، منیم دؤورومده بو اؤلکهلرین هامیسی آمریکایا حؤرمت گؤسترجکتیر.
ترامپ ژورنالیستلرین عمومی لیکده روسیا ایله علاقهلره دایر سوال وئرمهسی قارشیسیندا، روس ایش دونیاسی ایله آرتیق آنلاشماسینین اولمادیغینی دئدی.
ترامپ-ین روسیانین اونونلا علاقهلی مخفی سندلره صاحب اولدوغو بارهدکی خبرلری ایله کنگرهده موباحیثه لره سبب اولان "سی ان ان" موخبیری ایله آراسینداکی دیالوق سالوندا گرگینلیگی آرتیردی.
ترامپ هم موخبیرین سوال وئرمهسینه ایجازه وئرمهدی هم ده اونو ساختا موخبیر اولماقدا گوناهلاندیردی.
خاریجی سیاست بارهده آمریکانین جنوبداکی قونشوسو اولان مکزیک ایله علاقهلی آچیقلاما وئرن ترامپ بیلدیردی کی، مکزیک سرحدینه دیواری یاخین زاماندا تیکهجهیک. بو اؤلکهنین حکومتی ایله گؤروش کئچیریب بو مسئلهنی اوزاتماق ایستمیرم. دیوارین تیکیلمهسی اوچون خرجلنهجک پولو ایسه مکزیک اؤدهیهجک.
ترامپ-ین ایچ سیاستده دقت مرکزینده ساغلیق سیستمی ایله اوباما حاکمیتی اولوب.
ترامپ “Obacare” سیستمینی تامامیله فلاکت اولاراق دیرلندیردی و بو ساحهده اصلاحاتلارین اولاجاغینی وورغولادی.
کونفرانس زامانی بیر مدت اوچون ترامپ-ین وکیلی شعری دیللون کورسویه گلهرک، اونون شیرکتلری ایله علاقهسینی کسدیگینی سؤیلهدی و "هئچ کس ترامپ شیرکتلر قروپونون باغلانیلماسینی گؤزلمهسین" دئیه سؤزلرینه علاوه ائتدی.
ترامپ مطبوعات کونفرانسی زامانی بیزنسی اوزرینده نظارتی ایکی اوغلونا حواله ائتدیگینی بیلدیردی.
"موضوع لار و سواللارین درینلشدیگی بیر زاماندا ترامپ "بو قدر کیفایتدیر" دئیهرک مطبوعات کونفرانسینی باشا چاتدیردی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب