گونئی کوره: قوزئی کوره 10 نوکلئر سیلاح چیخارا بیلهجک میقداردا پلوتونیوما صاحب
گونئی کوره میلی ساوونما ناظیرلیگی طرفیندن یایینلانان 2016 آغ کاغیذلاریندا، قوزئی کورهنین 10 نوکلئر سیلاح اوره تیمهیه چاتاجاق 50 کیلوقرام پلوتونامی اولدوغو ایفاده ائدیلدی
گونئی کوره، قونشوسو قوزئی کورهنین 10 نوکلئر سیلاح چیخارا بیلهجک میقداردا پلوتونیوما صاحب اولدوغونو بیلدیردی.
میلی ساوونما ناظیرلیگی طرفیندن یایینلانان 2016 آغ کاغیذلاریندا، قوزئی کورهنین 10 نوکلئر سیلاح اوره تیمهیه چاتاجاق 50 کیلوقرام پلوتونامی اولدوغو ایفاده ائدیلدی.
آغ کاغیذلاردان، قوزئی کورهنین بالیستیک راکتلرین اوزرینه یئرلشدیریله بؤیوکلوکده "مینیاتور" نوکلئر ساواش باشلیقلاری و اورانیوم اورهتیم ظرفیتینده قیده دگر گلیشمه تامین ائتدیگینه دقت چکیلدی.
سئول حکومتی، ایکی ایل داوام ائدن ساوونما آراشدیرمالاری سونوندا، قوزئی کورهنین قارّهلر آراسی بالیستیک راکتلرینین (ICBM) و دنیزالتیندا آتیلان بالیستیک راکتلرینین (SLBM) یاراتدیغی تهلوکهنی ایلک دفعه بیرباشا وورغولادی.
قوزئی کورهنین صاحب اولدوغو پلوتونیوم میقدارینین 2014-جو ایلده 40 کیلوقرام اولدوغو و بو میقداردا ایکی ایل ایچینده 10 کیلوقرام آرتیم گؤرولدوگو قید ائدیلدی.
قوزئی کوره خاریجی ایشلر ناظیرلیگی، هفته باشیندا، "اونلارین تعیین ائتدیگی زاماندا قارهلر آراسی بالیستیک موشک فیرلاتیلابیلهجگینی" آچیقلامیش، آمریکا ساوونما ناظیری اشتون کارتر ایسه بئله بیر وضعیتده "قوزئی کوره راکتینی دوشورهبیلهجکلرینی" ایفاده ائتمیشدی.
قوزئی کوره رهبرلیگی، 2006-جی ایلده باشلایان نوکلئر سیناقلارینین بئشینجیسینی 9 سپتامبر 2016دا ائتمیشدی.
گونئی کوره اوردوسو، بونون پیونگ یانگ رهبرلیگینین ائتدیگی ان بؤیوک نوکلئر سیناق اولدوغونو و 10 کیلوتونلوک گوجه صاحب سیناغین 5،3 بؤیوکلوگونده بیر یئر سارسینتیسینی ائده بیلهجگینی آچیقلامیشدی.
آمریکالی و جنوبی کورهلی مسئوللار، قوزئی کورهنین سون نوکلئر سیناغی اوزرینه اؤلکهیه داها چوخ تحریم ایجرا ائده جگینی بیلدیرمیشدی.