روس دیپلماتلار واشینگتوندان آیریلدی
روسیا دؤولت باشقانی ولادیمیر پوتین، نئجه قارشیلیق وئرهجکلرینه، یئنی باشقان دونالد ترامپ وظیفهیه باشلایینجا قرار وئرهجکلرینی آچیقلامیشدی
آمریکادا ایستنمهین آدام اعلان ائدیلن 35 روس دیپلومات، عایلهلریله بیرلیکده اؤزل اوچاق ایله باشکند واشینگتوندان آیریلدی.
روسیا دؤولت باشقانی ولادیمیر پوتین، نئجه قارشیلیق وئرهجکلرینه، یئنی باشقان دونالد ترامپ وظیفهیه باشلایینجا قرار وئرهجکلرینی آچیقلامیشدی.
روسیانی، آمریکا سئچیملرینه سایبری سالدیری یولو ایله مداخیله ائتمکله سوچلایان باراک اوباما یؤنهتیمی، آمریکاداکی روسیایا عاید 2 تاسیسی ده باغلامیشدی.
ترامپین آغ ائو سؤزچولویونه تعیین ائتدیگی شان ایسپایسیر روسیایا قارشی اورانتیلی حرکت ائدیلمهدیگینی سؤیلهدی.
ایسپایسیر، گئچمیشده چینلی هکرلرین بوتون آمریکالی دؤولت قورومو ایشچیلرینین کیملیک بیلگیلرینی اله گئچیردیگینی، آنجاق چینه قارشی بیر قارشیلیق وئریلمهدیگینی خاطیرلاتدی.
ترامپ دا هیلاری کلینتون داخیل دموکرات پارتیلیلرین الکترونیک پستلارینین اله گئچیریلمهسینده روسیانین رولو اولوب اولمادیغی قونوسوندا شبههلری اولدوغونو سؤیلهمیشدی.
ترامپ، الیندکی بعضی معلوماتلاری چرشنبه آخشامی یا دا چرشنبه گونو آچیقلایاجاغینی بیلدیرمیشدی.
20 ژانویهده باشقانلیغی تحویل آلاجاق اولان دونالد ترامپین آغ ائو سؤزچوسو، اوباما رهبرلیگینی اورانتیسیز اولماقلا سوچلادی.