گونئی کوره‌ده اسکی ساغلیق ناظیری نظارته آلیندی

موون هیونگ-پیو، دولت باشقانی پارک گئون-هی‌نین مسئولری‌نین الین‌دن آلینماسینا یول آچان روشوت و سیاسی نفوذ قالماقا‌لی ایله سوروشدورمایا داخیل ائدیلدی

639527
گونئی کوره‌ده اسکی ساغلیق ناظیری نظارته آلیندی

گونئی کوره‌ده اسکی ساغلیق ناظیری موون هیونگ-پیو نظارته آلیندی.

موون، دولت باشقانی پارک گئون-هی‌نین مسئولری‌نین الین‌دن آلینماسینا یول آچان روشوت و سیاسی نفوذ قالماقا‌لی ایله سوروشدورمایا داخیل ائدیلدی.

موون، ایکی شیرکتین مباحیثه‌لی بیرلشمه راضیلاشماسینی دستکلمه‌سی اوچون میلی امک‌لیک خیدمتی تشکیلاتینا باسقی ائتمکله گوناهلاندیریلیر.

ساوجیلار، موونون حبس اولونوب توتوخلانمایاجاغینا 48 ساعت ایچینده قرار وئره‌جک.

بو واخت ساوجیلار، پارک‌ین تحصیل و کولتور اسکی کاتیبی کیم سانگ-ریولو، پارک رهبرلیگینه مسافه‌لی اولان صنعتچی و فیکیر آدام‌لارینی "قارا لیسته‌یه" آلا‌راق دولت دستگین‌دن محروم بوراخدیغی یؤنونکی ادعا‌لاری آراش‌دیرماق اوچون ایفاده‌یه چاغیردی.

پارک، حکومتده رسمی وظیفه‌سی اولمایان یاخین دوستو چوی سوون-سیل-ین ایدارچی‌سی اولدوغو فوندلار واسطه‌سیله اؤلکه‌نین بؤیوک هولدینگلریندن یوک‌لو باغیشلار ییغماق و بونون قارشیلیغیندا باغیشچی‌لارا سیاسی منفت تامین ائتمکله گوناهلاندیریلیر.

سوروشتورما  چرچیوه‌سینده پارک‌ین نظارت‌دکی دوستو چوی‌نین ایدارچی‌سی اولدوغو مدنیت و ایدمان ساحه‌لرینده فعالیت گؤسترن ایکی وقف اینجه‌لمه آلتینا آلیندی.

آرا‌لاریندا سؤز موضوعسو قوروم‌لارا 20 میلیونووندان (تخمینن 60 میلیون لیره) چوخ هدیه ائدن الکترونیک بؤیوک سامسونگون دا اولدوغو باغیشچی هولدینق‌لر حاقیندا آراشدیرما ائدیلدیگی ایفاده ائدیلمیشدی.

هولدینق سؤز موضوعسو باغیشلار قارشیلیغیندا دولت‌دن هر هانسی بیر خصوصی منفت الده ائدیب ائتمدیگی آراشدیریلیر.



ایلگیلی‌لی خبرلر