موسکوا و واشینگتوندان، نوکلئر سیلاحلانما یؤنونده دالبادال آچیقلامالار گلدی
آمریکا باشقانلیق مقامینا اوتورماغا حاضیرلانان دونالد ترامپ، آمریکا اوردوسونون نوکلئر ظرفیتینین آرتیریلماسی لازیم اولدوغونو سؤیلهدی
موسکوا و واشینگتوندان، نوکلئر سیلاحلانماغا آغیرلیق وئریلمهسی یؤنونده دالبادال آچیقلامالار گلدی ...
روسیا دولت باشقانی ولادیمیر پوتین، اؤلکهسینین نوکلئر نیظامی پوتانسیلینین گوجلندیریلمهسی اوچون چاغیریش ائدرکن، آمریکا باشقانلیق مقامینا اوتورماغا حاضیرلانان دونالد ترامپ، آمریکا اوردوسونون نوکلئر ظرفیتینین آرتیریلماسی لازیم اولدوغونو سؤیلهدی.
روسیا دولت باشقانی پوتین، موسکوادا، ساوونما ناظیرلیگی ایل سونو قیمتلندیرمه توپلانتیسینا قاتیلدی.
مسئوللاردان، نوکلئر نیظامی پوتانسیللرینین گوجلندیریلمهسینی ایستهین پوتین، هاوا ساوونما سیستملرینه آغیرلیق وئریلمهسی لازیم اولدوغونو ایفاده ائتدی.
ولادیمیر پوتین،
"ایستراتژی نوکلئر گوجلرینین پوتانسیلینی، موجود و گلیشدیریلن بوتون هاوا ساوونما سیستملرینی دلئبیلجک موشکلرله گوچلندیرممیز لازیمدیر. دیگر گوجلریمیزی ده روسیایا یؤنلیک هر جور نیظامی تهدیدی تاثیرسیز حالا گتیره بیلهجک سویهیه چیخارتمالیییق" دئیه دانیشدی.
روسیانین پوتانسیل بوتون تهدیدلردن داها گوجلو اولدوغونو ساوونان پوتین، بیر آنلیغینا بئله ایشلر قاپیلماسی حالیندا بو وضعیتین تئز دییشه بیلهجگی خبردارلیغینی ائتدی.
دونالد ترامپ ایسه، اؤلکهسینین نوکلئر سیلاح ظرفیتینین آرتیریلماسی لازیم اولدوغونو مدافعه ائتدی.
سوسیال مئدیا حسابیندان آچیقلاما ائدن ترامپ،
"دونیا، نوکلئر سیلاحلار موضوعسوندا اؤزونه گلنه قدر اؤلکهمیز نوکلئر ظرفیتینین گئنیشلتمهلی و گوجلندیرمهلی." ایفادهسینی ایستیفاده ائتدی.
متخصصلر، آمریکانین کؤهنهلن نوکلئر سیلاح اینفراستروکتورونو معاصیرلشدیریلمهسی اوچون گلهجک 30 ایلده 1 تریلیون دولارین اوزرینده خرجلمه ائدیلمهسی لازیم اولدوغونو ایفاده ائدیر.
آمریکانین 7 مین 100، روسیانین ایسه 7 مین 300 نوکلئر ساواش باشلیغینا صاحب اولدوغو بیلدیریلیر.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب