آوروپا بیرلیگی عمومی ایشلر شوراسی ایله تورکیه بروکسلده گؤروشدو

بیرلیک 27 عضوونون تصدیقیله، تورکیه ایله مذاکیره‌لرین موجود وضعیتی ایله داوام ائتمه‌سینی نظرده توتان متن، دؤور باشقان‌لیغی آچیقلاماسی اولا‌راق قبول ائدیلدی

630147
آوروپا بیرلیگی عمومی ایشلر شوراسی ایله تورکیه  بروکسلده گؤروشدو

آوروپا بیرلیگی عمومی ایشلر شوراسی، تورکیه ایله عضولوک مذاکیره‌لری‌نین گله‌جگینی بلژیک‌ین باشکندی بروکسلده گؤروشدو.

بیرلیک 27 عضوونون تصدیقیله، تورکیه ایله مذاکیره‌لرین موجود وضعیتی ایله داوام ائتمه‌سینی نظرده توتان متن، دؤور باشقان‌لیغی آچیقلاماسی اولا‌راق قبول ائدیلدی.

متنده، یئنی فصیل‌لر آچیلماسی موضوعسوندا، تورکیه‌نین ائتدیگی مثبت حاضیرلیق ایشلری‌نین نوت ائدیلدیگی وورغولاندی.

تورکیه‌نین مختلیف ساحه‌لرده، خصوصیله ده ایقتیصاددا، آوروپا بیرلیگی قانونلارینا یاخشی سویه‌ده اویغونلاشما تامین ائتدیگی ایفاده ائدیلن متنده، آوروپا بیرلیگی-نین، تورکیه‌دکی فتح لله‌چی ترور تشکیلاتی پارالل دولت یاپیلانماسی (فتو / پ.دی.)'نین 15 ژوئیه‌ده کودتا گیریشیمینی قینادیغی و تورکیه‌نین دموکراتیک تشکیلات‌لارینا دستک وئردیگی ده یینئلئندی.

شورا، تورکیه‌نین ترور تشکیلاتی داعشه قارشی موباریزه‌ده، بین الخالق کوالیسیونون اهمیت‌لی بیر موتتفیقی اولدوغونو دا وورغولادی.

شورا مسئول‌لاری، تورکیه‌ده یاشانان بوتون ترور سالدیری‌لارینی و شیدت حادثه‌لرینی قینادیق‌لارینی و تورک خالقییلا همرای‌لیک ایچینده اولدوق‌لارینی ایفاده ائتدی.

متنده، آوروپا بیرلیگی طرفین‌دن بیر ترور تشکیلاتی اولا‌راق قبول ائدیلن پ.ک.ک-یا قارشی حرکت‌لرین قانونی اولدوغو وورغولاندی.

دیگر طرف‌دن، ماجاریستان خاریجی ایشلر ناظیری پیتر سیارتو، آوروپا بیرلیگی‌نین تهلوکه‌سیزلیگی‌نین تورکیه‌نین ثابت‌لیگینه باغلی اولدوغونو، بونا گؤره راسیونال اولمایان آددیم‌لاردان قاچینیلماسی لازیم اولدوغونو سؤیله‌دی.

بیرلیگین تورکیه علاقه‌لرینده اؤلچولو حرکت ائتمه‌سی لازیم اولدوغونو وورغولایان سیاتو، تورکیه ایله بیرلیک آراسیندا مارس آییندا الده اولونان گئری قبول موقاویله‌سینه دقت چکه‌رک، تورکیه‌نین ثابت‌لیگینه سارسیدا‌جاق هر حادثه‌نین قاره‌نین اوچون ده پیس اولاجاغینی وورغولادی.

ناتو عضوو اولان تورکیه‌نین ترورلا موباریزه موضوعسوندا آوروپا ایله چوخ جیدی امکداش‌لیق ائتدیگینی بیل‌دیرن ماجار ناظیر؛

' بیرلیگین تورکیه ایله علاقه‌سینی داوام ائتدیرمه‌سی اهمیت‌لی. تورکیه‌یه و تورک خالقینا حؤرمت گؤستریلمه‌لی. آوروپا اوچون امنیت ریسکی داشییان حیسی قرارلاردان قاچینما‌لی ' آچیقلاماسینی ائتدی.



ایلگیلی‌لی خبرلر