ایتالیادا یئنی حکومتین قورولماسی اوچون ایشلر داوام ائدیر

ایتالیا پرزیدنتی سرجیو ماتارلا، یئنی حکومتی پارچا اوچون خاریجی ایشلر ناظیری پائولو جنتیلونی-نی وظیفه‌لندیردی

628547
ایتالیادا یئنی حکومتین قورولماسی اوچون ایشلر داوام ائدیر

ایتالیادا یئنی حکومتین قورولماسی اوچون ایشلر داوام ائدیر.

حکومت بحرانی‌نین سرعت‌لی بیر شکیلده حلّ ائدیله‌جگی سؤزو وئرن ایتالیا پرزیدنتی سرجیو ماتارلا، یئنی حکومتی پارچا اوچون خاریجی ایشلر ناظیری پائولو جنتیلونی-نی وظیفه‌لندیردی.

سئچیم دئییل، مسئولیتله وظیفه‌یه گلدیگینی ایفاده ائدن پائولو جنتیلونی ایسه غورور و مسئولیت دویدوغونو سؤیله‌دی.

جنتیلونی؛

"ایتالیانین، وطنداش‌لارین حاق‌لارینی ضمانت ائدن، اولوسلار آراسی، سوسیال، ایقیتصادی اؤنجه‌لیکلریمیزله و زلز‌له بؤلگه‌سی‌نین پروبلملریله قطعیتله اوزلشن گوجلو بیر حکومتین عاجیل احتیاج دویدوغونون فرقینده‌یم" دئدی.

قورولا‌جاق اولان حکومتین ایلک وظیفه‌سی اعتبارلی بیر سئچیم قانونو اولمایان اؤلکه‌یه بیر سئچیم قانونو قازان‌دیرماق اولا‌جاق.

جنتیلونی‌نین پارتیسی دموکرات پارتی، پارلامنتین هر ایکی قانادیندا ان چوخ کورسو سایینا صاحب اولماسینا قارشی تک باشینا حکومت قورا‌جاق اکثریته صاحب دئییل.

بو سببله جنتیلونی‌، مخالیفت پارتی‌لرینی مسئولیت پایلاشماسینا دعوت ائتدی.

پرزیدنت ماتارلا، جمعه آخشامی گونو رئال‌لاشا‌جاق آوروپا بیرلیگی ایجلاسین‌دان اوّل حکومتین قورولماسینی ایستییر.

2013-جی ایلده رئال‌لاشان سئچیم‌لرده یئنی‌دن میللت وکی‌لی سئچیلن جنتیلونی، 2014-جو ایلده فدریکا موگرینی‌نین آوروپا بیرلیگی خاریجی ایشلر و امنیت یوکسک نماینده‌سی اولماسییلا اونون یئرینه خاریجی ایشلر ناظیرلیگی وظیفه‌سینه گتیریلمیشدی.

ایتالیادا 4 دسامبردا ائدیلن آنایاسا دییشیک‌لیگی رفراندوم، ماتو رنزی حکومتی اوچون اعتماد رای‌‌نه چئوریلمیشدی.

رنزی خالق اویلاماسین‌دان 'خیر چیخماسی وضعیتینده ایستعفا ائدجگینی بیلدیرمیش و سؤزونو توتا‌راق باش ناظیرلیک وظیفه‌سین‌دن آیریلمیشدی.



ایلگیلی‌لی خبرلر