ناتو خاریجی ایشلر ناظیرلری‌نین بروکسل‌دکی کونفرانسی دونن ده داوام ائتدی

ینس استولتنبرگ کریمه‌نین زورلا ایلحاقینی تانیمایاجاق‌لارینی تکرارلادی و روسیانی مینسک موقاویله‌سینه اویماسینا چاغیردی

626191
ناتو خاریجی ایشلر ناظیرلری‌نین بروکسل‌دکی کونفرانسی دونن ده داوام ائتدی

قوزئی آتلانتیک آنلاشماسی تشکیلاتی (ناتو) خاریجی ایشلر ناظیرلری‌نین بلژیک‌ین باشکندی بروکسل‌دکی کونفرانسی دونن ده داوام ائتدی.

تورکیه‌نی خاریجی ایشلر ناظیری مولوت چاووش اوغلونون تمثیل ائتدیگی توپلانتیدا ناتو-نون باش کاتیبی ینس استولتنبرگ، روسیایا قارشی اقتصادی تحریم‌لرین داوام ائتمه‌سی لازیم اولدوغونو سؤیله‌دی.

ینس استولتنبرگ کریمه‌نین زورلا ایلحاقینی تانیمایاجاق‌لارینی تکرارلادی و روسیانی مینسک موقاویله‌سینه اویماسینا چاغیردی.

اولوسلار آراسی توپلومون روسیایا مسئولیتلرینی یئرینه یئتیرمه‌سی اوچون باسقی ائتمگی داوام ائتدیرمه‌سی لازیم اولدوغونو وورغولایان باش کاتیب، خصوصیله ده اوکراین‌ین شرقین‌دکی وضعیت جدی‌لیگینی قورودوغونو وورغولایا‌راق اقتصادی تحریم‌لرین داوامی‌نین اهمیت‌لی اولدوغونو قید ائتدی.

آوروپا بیرلیگی‌نین 22 عضوو 2014-جی ایلدن بری روسیایا اقتصادی تحریملر تطبیق ائدیر.

بو آرادا مولوت چاووش اوغلو، ناتو توپلانتی‌سی چرچیوه‌سینده بیر سیرا ایکیطرف‌لی گؤروشمه‌لر ائتدی.

چاووش اوغلو، آوروپا بیرلیگی کومیسیونو باشقان کؤمکچی‌سی فرانس تیمرمن و کومیسیونو‌نون اینسانی یاردیم و کؤچ‌دن مسئول کومیساری دیمیتری آورامپولوس ایله گؤروشدو.

تورکیه‌نین ایکینجی صینیف رفتاری قبول ائتمدیگینی وورغولایان چاووش اوغلو،

"بیزی برابر اورتاق کیمی گؤرمک دوروموندا‌لار. بیز عضو اولماق ایستییریک دئیه بیز ایکینجی صینیف، اونلار بیرینجی صینیف دئییل. بو گون بیر چوخ تشکیلاتدا، ناتودا عضووک. اورادا برابر اولوب دا بورادا نئجه بیرینجی صینیف، ایکینجی صینیف اولوروق. آوروپا شوراسی‌نین قوروجو عضوویوک . آوروپا شوراسی ایله آوروپا بیرلیگی‌نین چوخ بؤیوک فرقی یوخدور. بیزه ائدیلن منفی رفتارلاری قبول ائتمدیگیمیزی سؤیله‌ییریک. " قیمتلندیرمه‌سینی ائتدی.

فتح الله‌چی ترور تشکیلاتی پارالل دولت یاپیلانماسینین 15 ژوئیه کودتا تلاشی گئجه‌سی یونانیستانا قاچان 8 کودتاچی‌لاردان ایکی‌سی عسگرین قایتاریلماسینا باغلی محکمه پروسسینی ده قیمتلن‌دیرن چاووش اوغلو،

"بیزیم آرزوموز 8ی‌نین ده قایتاریلماسی. 3 نفرله باغلی بیر قرار وئریب، دیگر 3 نفرله باغلی  فرق‌لی قرار وئرمه‌سی معنا‌لی‌دیر. اما سبب‌لری گؤرمک لازیم‌دیر." دئیه دانیشدی.



ایلگیلی‌لی خبرلر