ژاپونیا باش ناظیری شینزو آبه، پرل هاربرا گئده‌جک

آمریکانین ایکینجی دونیا ساواشینا گیرمه‌سینه سبب اولان پرل هاربر باسقینی‌نین اوزرین‌دن تام 75 ایل کئچدی

624832
ژاپونیا باش ناظیری شینزو آبه، پرل هاربرا گئده‌جک

آمریکانین ایکینجی دونیا ساواشینا گیرمه‌سینه سبب اولان پرل هاربر باسقینی‌نین اوزرین‌دن تام 75 ایل کئچدی.

باسقی‌نین ایلدؤنومو یاخینلاشارکن ژاپونیا‌دان تاریخی بیر آددیم گلدی.

آمریکا پرزیدنتی باراک اوبامانین بو ایل باشین‌داکی هیروشیما زیارتی‌نین آردین‌دان بو دفعه ژاپونیا باش ناظیری شینزو آبه، پرل هاربرا گئده‌جک.

بو آرادا، آبه‌نین ائده‌جگی زیارتینه باغلی، ژاپونیا کابینه باش کاتیبی یوشیهیده سوگا، سفرین مقصدی‌نین عذر دیلمک اولمادیغینی، پرل هاربردا حیاتینی ایتیرن‌لرین خاطیرلاماق اولدوغونو دیله گتیردی.

خاریجی ایشلر ناظیری فومیو کیشیدا، 26-27 دسامبردا کئچیریلمه‌سی پلان‌لاش‌دیریلان آمریکا زیارتینده باش ناظیر آبه‌یه یولداش‌لیق ائده‌جگینی و ژانویه آییندا وظیفه‌سی بوراخا‌جاق آمریکا پرزیدنتی باراک اوباما ایله ده گؤروشه‌جک‌لرینی ایفاده ائتدی.

ژاپونیانین 1941دکی سالدیری‌دان بو یانا پایگاهی زیارت ائدن رسمی مقاملاردان ایلک ژاپونیا باش ناظیری اولا‌جاق آبه، زیارتییله ژاپونیا و آمریکا آراسیندا اوزلاشما مساژی گؤندرمک ایستدیگینی ایفاده ائتمیشدی.



ایلگیلی‌لی خبرلر