بیرلشمیش میللت‌لر وبا اپیدمیسین‌دن قایناق‌لانان آغری‌لاردان اؤتورو هایتی‌دن عذر ایسته‌دی
بان، "هایتی خالقین‌دان عذر دیلییریک. کولرا اپیدمیسینی قارشی‌سینی آلماق اوچون کیفایت قدر چابا گؤستردیگیمیز و بونا سبب اولدوغوموز اوچون چوخ عذر ایستییریک." دئدی
بیرلشمیش میللت‌لر تشکیلاتی‌نین باش کاتیبی بان کی-مون، 2010-جی ایلده 10 میندن چوخ اینسانین اؤلومونه سبب اولان وبا اپیدمیسین‌دن قایناق‌لانان آغری‌لاردان اؤتورو هایتی‌دن عذر ایسته‌دی.
بان، بیرلشمیش میللت‌لر تشکیلاتی بان، بیرلشمیش میللت‌لر تشکیلاتی عمومی توپلانتیسیندا اینگیلیس، فرانسیز و یئرلی دیلده ائتدیگی دانیشمادا، هایتی‌دکی کولرا اپیدمیسی‌نین بیرلشمیش میللت‌لر تشکیلاتی‌نین اعتبارینی لکه‌لدیغینی ایفاده ائده‌رک،
"هایتی خالقین‌دان عذر دیلییریک. کولرا اپیدمیسینی قارشی‌سینی آلماق اوچون کیفایت قدر چابا گؤستردیگیمیز و بونا سبب اولدوغوموز اوچون چوخ عذر ایستییریک." دئدی.
بیرلشمیش میللت‌لر تشکیلاتی باش کاتیبی‌نین معاوینی یان الیاسون ایسه تشکیل ائتدیگی مطبوعات کونفرانسیندا آنادولو آژانسی موخبیری‌نین، " بیرلشمیش میللت‌لر تشکیلاتی ایلک دفعه می بیر اؤلکه‌دن عذر دیلییر؟ سوریه خالقین‌دان دا عذر ایستمگی دوشونور مو؟" سوالینا، "(عذر ایستمه موضوعسو) یئنی باش کاتیبه باغلی. سوریه خالقی‌نین چکدیگی آجی‌لاری پایلاشیریق و بو آغری‌لاری گؤرمک بؤیوک بیر خیال قیریق‌لیغی یاشاددی." جوابینی وئردی.
بیرلشمیش میللت‌لر تشکیلاتی، 2010-جی ایلده هایتی‌ده باش وئرن و 10 میندن چوخ اینسانین اؤلومونه یول آچان کولرا اپیدمیسینده رولو اولدوغونو قبول ائتمیشدی. داها اوّل اپیدمی‌دن تأثیرلنن‌لرده "مادی دستک" تامین ائتمک ایستدیک‌لرینی ائشیت‌دیرن بیرلشمیش میللت‌لر تشکیلاتی، اپیدمی قوربان‌لارینا 200 میلیون دو‌لار اؤدمک اوچون بودجه توپلاماغا چالیشدیق‌لارینی آچیقلامیشدی.
