جو بیدن: صهیونیستم

"صهیونیستم، صهیونیست اولماق اوچون یهودی اولماق لازیم دئییل"

609051
جو بیدن: صهیونیستم

آمریکا باشقان یاردیمچی‌سی جو بیدن، صهیونیست اولدوغونو، بونون اوچون یهودی اولماق گرکمه‌دیگینی سؤیله‌دی.

بیدن، دونیا یهودی کنگره‌سی‌نین نیویورک‌داکی توپلانتی‌سیندا دانیشدی.

آمریکاین 45.جی باشقان‌لیغینا سئچیلن دونالد ترامپین باشقان‌لیغی دؤورونده ایسراییل ایله علاقه‌لرین نئجه شکیللنه‌جگینه توخونان بیدن،

"یئنی یؤنه‌تیمده، ایسراییل-آمریکا علاقه‌لرینده بیر دییشیم گؤزلمیرم. بئله بیر نیت اولسا بئله، کی یوخ؛ کنگره و آمریکا خالقی بونا هئچ بیر زامان ایجازه وئرمز" دئدی.

بیدئن آیریجا،

"صهیونیستم، صهیونیست اولماق اوچون یهودی اولماق لازیم دئییل" دئدی.

بیدنه گئجه‌ده سیاسی صهیونیزمین قوروجوسو اولا‌راق بیلینن "تهودور هرتزل اؤدولو" وئریلدی.

آنجاق، ایسرایل قایناق‌لاری، آمریکا ایله علاقه‌لرین گله‌جه‌یین‌دن بیدن قدر اومودلو دئییل.

ایسراییل خاریجی ایشلر باخانلیغی بنیه‌سینده ترومپین اورتادوغودا ایزله‌یه‌جیی سیاستی آنالیز ائدن متخصص‌لرین حاضیرلادیغی راپوردا

"ترامپین سئچکی کامپانیاسیندا دیله گتیردیگی ایفاده‌لری، ایسراییل-فلسطین چاتیشماسی قونوسوندا توتارلی بیر سیاست ایزله‌مه‌یه‌جگینه ایشاره ائدیر" دئییلدی".



ایلگیلی‌لی خبرلر