اوسترالیادا قاچقین‌لارا عمر بویو ویزا قاداغانلیغی
فدرال حکومت طرفین‌دن حاضیرلانان و اؤلکه‌یه گمی‌لرله گئدن قاچقینلارلا سیغینماچی‌لارا عمر بویو ویزا قاداغانی گتیرن قانون لاییحه‌سی، مجلیس‌دن کئچدی
اوسترالیادا قاچقین‌لارا عمر بویو ویزا قاداغانلیغی ...
فدرال حکومت طرفین‌دن حاضیرلانان و اؤلکه‌یه گمی‌لرله گئدن قاچقینلارلا سیغینماچی‌لارا عمر بویو ویزا قاداغانی گتیرن قانون لاییحه‌سی، مجلیس‌دن کئچدی.
اقتدارداکی لیبرال-میللی پارتی کوالیسیونونون تکلیف ائتدیگی قانونا 69 رد رای‌نه قارشی‌لیق 73 قبول رایی ایستیفاده ائدیلدی.
لاییحه‌نین اعتبارلی اولماسی اوچون فدرال سناتونون دا تصدیقی لازیم‌دیر.
مجلیسده اکثریته صاحب اقتدار پارتی‌لری‌نین سناتودا اکثریتی یوخدور.
اؤلکه ایچینده و خاریجینده آغیر تنقیدلره هدف اولان لاییحه‌نین سناتو‌دان کئچمه‌سی اوچون موخالیفت سناتورلاری‌نین ده دستگینی آلماسی لازیم‌دیر.
موهاجیر حاق‌لاری ساوونماچی‌لاری، لاییحه‌نی "ترامپیزم ' اولا‌راق آدلاندیردیلار.
اوسترالیا یاشیل‌لار میللت وکیلی آدام باندت، لاییحه‌نی آمریکادا پرزیدنت سئچیمینی قازانان دونالد ترامپ‌ین سؤزلرینه ایستیناد ائدرک 'ترامپ طرزی 'ولا‌راق خاراکتریزه ائتدی.
آنا موخالیفت‌دکی اوسترالیا ایشچی پارتیسی باشقانی بیل شورتن دا داها اوّل ائتدیگی آچیقلامادا لاییحه‌نین ' آخماقجا ' اولدوغونو ایفاده ائتمیشدی.
لاییحه‌نین سناتو‌دان کئچیب قانونلاشماسی وضعیتینده، کونترول مرکزلرینده توتولان سیغینماچیلار اؤلکه‌لرینه گئری دؤنسه‌لر بئله سونراکی ایللرده ائولنه‌رک توریست و یا ایش آدامی اولا‌راق بئله اوسترالیایا تکرار گئتمه‌لرینه ایجازه وئریلمه‌یه‌جک.
لاییحه، 19 ژوئیه 2013دن اعتباراً اوسترالیایا گمی‌لرله گئدن 18 یاش اوستوندکیلری باغلایا‌جاق.
اوشاق‌لار ایسه بو قانون‌دان آزاد توتولا‌جاق.
سؤز موضوعسو تاریخ‌دن سونرا قاچقین ایستاتوسونو الده ائدن‌لر ده داخیل اولماقلا، سیغینماچی‌لارین هئچ بیر شکیلده اؤلکه‌ده قالما‌لارینا ایجازه وئریلمه‌یه‌جک.
لاییحه‌نین قانونلاشماسی وضعیتینده مانوس و ناورودا توتولان‌لارلا معا‌لیجه گؤرمه‌لری اوچون اوسترالیایا آپاریلان تخمینن 3 مین یئتیشکین قاچقین و سیغینماچیلار بیرباشا تأثیرلنه‌جک.
