آلمانیانین مونیخ‌ شهرینده سیغینماچیلار کامپینا، بیر دیوار تیکیلمه‌یه‌ باشلاندی

آلمانیانین مونیخ‌ین شهرینه باغلی نوی پرلاخ سود منطقه‌سینده تیکیلن یئنی بیر سیغینماچیلار کامپینا، محل خالقی‌نین طلبی اوزرینه 3.7 متر یوکسکلیگینده بیر دیوار تیکیلمه‌یه‌ باشلاندی.

سویوق ساواشین آردین‌دان ییخیلان 3.5 مترلیک برلین دیوارین‌دان بئله یوکسک اولان دیوارین مقصدی ایسه یئرلی خالقی سیغینماچی‌لاردان قوروماق.

160 نفرلیک توتومو اولان دوشرگه‌ده عمومیتله گنج سیغینماچی‌لار یاشایاجاغی اوچون بؤلگه خالقی محکمه‌یه مراجعت ائده‌رک بلدیه‌دن دوشرگه ایله مسکون محل آراسینا بیر دیوار تیکیلمه‌سینی ایسته‌دی.

سبب اولا‌راق ایسه آلمانیادا سیغینماچی‌لارین خالقا یؤنلیک سالدیری‌لاری گؤستریلدی.

'جاناوار دیوار اولا‌راق خاراکتریزه ائدن نوی پرلاخ سود منطقه‌سی‌نین باشقان کؤمکچی‌سی گویدو بوشولتز ایسه دیوارین کورکونچ‌لوغونا دقت چکه‌رک، دیوارین تبلیغات  اولدوغونو سؤیله‌دی.

یئرلی خالق‌دان بیر جوت ده دیوار اوچون،

"دونالد ترامپ مکزیک‌لی سیغینماچی‌لاردان قورونماق اوچون مکزیک مرزینه بیر دیوار تیکمگی پلانلاشدیریر، بیز ده مونیخ‌ده سیغینماچی‌لاردان بنزر شکیلده قورونماغا چالیشیریق" ایفاده‌لرینی ایستیفاده ائتدی.