نیویورک‌دا ایسلام فوبی ایله موباریزه کامپانیاسی

بیل دو بلاسیو نیویورک بلدیه باشقانی ایسلام فوبی ایله موباریزه کامپانیاسی باشلادی.

578715
نیویورک‌دا ایسلام فوبی ایله موباریزه کامپانیاسی

آمریکا بیرلشمیش دؤولتلرینده نیویورک شهرینین بلدیه باشقانی سوسیال مدیادا ایسلام فوبی ایله موباریزه‌یه باشلادی.

تخمینن 500 مین مسلمانین یاشادیغی  نیوریوک‌دا 2001-جی ایل 11 سپتامبر سالدیریلاریندان اعتباراً مسلمان توپلومونا قارشی تؤره‌دیلن نیفرت سوچلارینین سایی‌نین آرتدیغی بیر شرایطده بیل دو بلاسیونون رهبرلیک ائتدیگی شهر بلدیه‌سی ایسلام فوبی ایله موباریزه اعلان ائتدی.

سابیق بلدیه باشقانی مایکل بلومبرگ دؤورونده نیویورک پولیس تشکیلاتی‌نین نزدینده یارادیلان مسلمان توپلومونو تعقیب ائدن بؤلومونو باغلایان و مسلمان‌لارین دینی بایرام‌لاریندا دؤولت مکتب‌لرینده رسمی تعطیل اعلان ائدن بلاسیو رهبرلیگی مسلمان‌لارا قارشی شدت حادثه‌لری‌نین قارشی‌سی‌نین آلینماسی اوچون سوسیال مدیادا رکلام کامپانیاسینا باشلادی.

بلدیه باشقانی توپلوم موناسیبت‌لری بؤلمه‌سی، اینسان حقوق‌لاری کومیسیونو و کوچمن علاقه‌لری اوفی‌سی‌نین بیرگه کئچیردیگی کامپانیا چرچیوه‌سینده "#IAmMuslimNYC"  اتیکت ایله توییتر، فیسبوک و اینستاگرام‌دا خالقی ایسلام قارشیتی آیریمجیلیک و کولتورل حساسلیق موضوع لاری ایله علاقه‌دار آیدینلاتمایی پلانلاشدیریر.

دئموکرات‌لار پارتی‌سین‌دان اولان بلاسیو کامپانیا ایله باغلی آچیقلاماسیندا: "بو آن نیویورک لولارین شدت و نیفرته قارشی بیر اولماسی هر زامانکین‌دان چوخ داها اهمیت کسب ائدیر. نیویورک‌دا  هر کس خریستیان، مسلمان، یهودی،  هیندو و آتئیست اولماسین‌دان آسیلی اولمایا‌راق حؤرمتلی رفتاری حاق ائدیر" دئدی.

 2017-جی ایلده دینی موختلیفلیگین قورونماسی و خاریجی دوشمنلیلیگه قارشی موباریزه موضوعسوندا 8 میلیون 400 مین اها‌لی‌سی اولان شهر خالقینی آیدینلاتماق مقصدیله بلدیه طرفیندن داها گئنیش میقیاسلی مدیا کامپانیاسی باشلانیلماسی گؤزله‌نیلیر.



ایلگیلی‌لی خبرلر