آمریکا سناتوسو، موقتی بودجه لاییحهسینی تصدیقلمهدی
لاییحهنین، سناتودان کئچمک اوچون لازیم اولان 51 "بلی" اویونا اولاشاماماسیندا، 42 دموکرات عضوون مخالیفتی اهمیتلی رول اوینادی
آمریکا سناتوسو، اؤلکهدکی فدرال تشکیلاتلارین باغلانماسینی اؤنلهیهجک موقتی بودجه لاییحهسینی تصدیقلمهدی.
لاییحه 3 گون ایچینده تصدیق ائدیلمزسه حکومتین ایشلهیهمز حالا گلهجک.
فدرال حکومتین 30 سپتامبر جمعه گئجهسی رسمی اولاراق "باغلانماسینی" 9 دسامبرا تاخیره سالاجاق موقتی بودجه لاییحهسی، سناتودا 45-ه قارشی 55 سسله رد ائدیلدی.
لاییحهنین، سناتودان کئچمک اوچون لازیم اولان 51 "بلی" اویونا اولاشاماماسیندا، 42 دموکرات عضوون مخالیفتی اهمیتلی رول اوینادی.
دموکراتلار، قانونا، میشیگانین زهرلی ایچمه سویو قالماقالی گوندمه گلن فلینت شهری اوچون مالی یاردیم ایچهرمهسی سببیله قارشی چیخدی.
قانونا، همچینین کونکرهنین جمهوریتی لیدرلری میچ مکائل و پول راینین دستکلمهسینه قارشی، جمهوریتچی 13 سناتورو رد اویو وئرمهسی دقتی چکدی.
آغ ائو مطبوعات سؤزچوسو جاش ارنست، گوندهلیک مطبوعات بریفینگینده دموکراتلارین فلینته یؤنلیک کؤمک طلبلرینه دستک وئررکن،
"پرزیدنت اوباما، آیلاردیر کونکرهنین فلینت خالقینا تمیز سو قایناقلاری اوچون قایناق تامین ائتمهسی لازیم اولدوغونو ایفاده ائدیر" دئدی.
ارنست، بونا قارشی اوبامانین حکومتین کیلیدلنمسینی قطعیتله ایستمدیگینی وورغولایاراق،
"نمایندهلر مجلیسی و سناتوداکی جمهوریتچی لیدرلرین وظیفهسی، پارتیلر اوستو بیر بودجه لاییحهسینی، 30 سپتامبر گئجهسی اوبامانین ماساسیندا اولاجاق شکیلده کئچیرمک" ایفادهلرینی ایستیفاده ائتدی.
اگر موقتی بودجه 3 گون ایچینده تصدیق ائدیلمزسه، 2013،ده 16 گون عرضینده باغلی قالان فدرال تشکیلاتلار ایکی ایل آرادان سونرا یئنیدن باغلانما تهلوکهسیله قارشی-قارشییا قالاجاق.
فدرال مالی ایلین 1 اوکتوبردا باشلاییب، 30 سپتامبردا سونا چاتدیغی آمریکادا هر ایل چتین دانیشیقلارا سبب اولان بودجه بحرانلاری، حکومتین بو گونه قدر 12 دفعه باغلانماسینا سبب اولدو.