کیفده "اینتر" تلویزیون کانالیندا یانغین
اوکراینانین پایتاختی کیف شهرینده بیر قروپ نوماییشچینین "اینتر" تلویزیون کانالینین بیناسی قاباغینداکی اعتراض آکسیاسیندان سونرا بینادا یانغین باش وئردی.
اوکراینانین پایتاختی کیف شهرینده بیر قروپ نوماییشچینین "اینتر" تلویزیون کانالینین بیناسی قاباغینداکی اعتراض آکسیاسیندان سونرا بینادا یانغین باش وئردی.
دونن آخشام ساعتلاریندا کانال بیناسینین قاباغیندا بیر آرایا گلن قروپ بینانین گیریش یئرینده آتوموبیل تکرینی یاندیریب و بینانین دیوارینا "اینتر-موسکوانین جاسوسو" دئیه یازیب.
نوماییشدن سونرا بینادا یانغین باش وئردی. حادثه یئرینه یانغینسؤندورنلر جلب ائدیلدی، کانال ایشچیلری بینادان چیخاریلدی. داها سونرا یانغین سؤندورولدو.
"اینتر" تلویزیون کانالی بینادا اولان میللی معلومات سیستمی اوفیسینه سلاحلی هوجوم اولدوغونو و بینادا یانغین تؤردیلدیگینی ایرهلی سوردو.
کانالدان وئریلن آچیقلامادا یانغین نتیجهسینده تلویزیون ایستودیوسو یارارسیز حالا دوشدوگو بیلدیریلدی.
اوکراینا داخیلی ایشلر ناظیری آرسن آواکوو 31 آوقوستدا اوکراینا کشفیاتینا چاغیریش ائدهرک، "اینتر" کانالین خبر سیاستینی معینلشدیرن روسیا ایگور شووالوون اؤلکهدن چیخاریلماسینی ایستهمیشدی.
قئید ائدک کی، "اینتر" کانالی 1996-جی ایلدن بریدیر اوکراینادا یاییملارینی داوام ائتدیریر.
ایلگیلیلی خبرلر
نیجریهده سیلاحلی هوجوم: ۹ اؤلو
نیجریهنین ناساراوا ایالتینده باش وئرن آتیشمادا ۹ نفر هلاک اولوب.
