کولومبیادا 52 ایللیک ایچ ساواشی سونا چاتدی

52 ایللیک ساواشی سونا چات‌دیران "تاریخی" باریش موقاویله‌سی، کوبانین باشکندی هاوانادا ایمضالاندی

558990
کولومبیادا 52 ایللیک ایچ ساواشی سونا چاتدی

کولومبیادا 52 ایللیک ایچ ساواشی سونا چاتدی ...

کولومبیا اینقیلابچی سیلاح‌لی گوجلری (FARC) ایله کولومبیا حکومتی آراسیندا تخمینن 4 ایلدیر، کوبادا حیاتا کئچیریلن مذاکیره‌لرده سون راضیلاشماغا چاتیلدی.

52  ایللیک ساواشی سونا چات‌دیران "تاریخی"  باریش موقاویله‌سی، کوبانین باشکندی هاوانادا ایمضالاندی.

ایمضا مراسیمین‌دن سونرا ائدیلن اورتاق آچیقلامادا،

"سون، تام و قطعی بیر راضیلاشماغا چاتیلدیغی" ائشیتدیریلدی.

سپتامبر آیی‌نین سونوندا و یا اوکتوبر آیی باشیندا طرف‌لر بیر آرایا گله‌جک.

بو گلیشمه‌لرین آردین‌دان، کولومبیا حکومتی ایله کولومبیا اینقیلابچی سیلاح‌لی گوجلری آراسین‌داکی باریش پروسه‌سینی نظارت بیر بیرلشمیش میللت‌لر تشکیلاتی‌نین (بمت) میسیونون بؤلگه‌ده وظیفه‌یه باشلاماسی گؤزلنیلیر.

باریش مدتی، اکثریتی لاتین آمریکا و کارایب اؤلکه‌لری توپلولوقلارین‌دان گله‌جک سیلاحسیز موشاهیدچی‌لر طرفین‌دن ده ایزلنیله‌جک.

آمریکا پرزیدنتی باراک اوباما، کولومبیا پرزیدنتی خوان مانوئل سانتوسا تلفون ائده رک باریش آنلاشماسین‌دان اؤتورو اؤزونو قید ائتدی.

آمریکا و اوروپا بیرلیگی طرفین‌دن ترور تشکیلاتی اولا‌راق قبول ائدیلن و میلیتان سایسی بیر دؤور 17 مین‌لره چاتان کولومبیا اینقیلابچی سیلاح‌لی گوجلری‌نین، ان سون 7 مین میلیتانی واریدی.

کولومبیادا سون 52 ایللیک مدتده، طرف‌لر آراسیندا یاشانان سیلاح‌لی چاتیشما‌لاردا 220 مین‌دن چوخ اینسان اؤلدو.

6  میلیونا یاخین آدام دا، جان امنیت‌لری اوچون ائولرینی ترک ائتمک مجبوریتینده قالدی.



ایلگیلی‌لی خبرلر