دالاس دا شهر ساکن لری قربان‌لارین خاطرسینی یاد ائدیر
آمریکانین دالاس شهرینده کئچن هفته 5 پلیس‌ین اؤلومو ایله نتیجه له نن خوشا گلمز حادثه‌دن سونرا شهر ساکن لری قربان لارین خاطره سینی یاد ائدیر.
آمریکانین دالاس شهرینده کئچن هفته 5 پلیس‌ین اؤلومو ایله نتیجه له نن خوشا گلمز حادثه‌دن سونرا شهر ساکن لری قربان لارین خاطره سینی یاد ائدیر.
پلیس امکداش‌لاری‌نین وورولدوغو حادثه یئری دالاس پلیس مرکزی شهر ساکن لری طرفیندن زیارت ائدیلیر.
دیگر طرفدن پلیس لری اؤلدورن کئچمیشده عسکر اولان 25 یاشین‌داکی مایکا جانسین آدلی زنجی‌نین چوخ بؤیوک بیر هوجوم پلانلاشدیردیغی آیدین اولوب.
دالاس‌دا پلیس مسئول لاری مایکا جانسی‌نین اؤزونو مودافیه و هوجوم تاکتیک لری ایله پارتلایجی ماده لردن ایستیفاده ائدیلمه سی باره ده اؤزل تعلیم کئچدیگینی آچیقلادی . اونون ائوینده جدی مقداردا پارتلاییجی ماده اولدوغونا دا دقت چیکیلدی.
بو آرادا آمریکا‌دا زنجی لرین غضبی هه له ده چکمه یب.
" زنجی لرین حیاتی دیرلی دیر" شعاری سسلندیره رک کوچه لره آخیشان آکسیاچی‌لار موختلیف شهرلرده نمایش کئچیریر. تظاهرات دا اونلارلا اینسان توتولوب.
آمریکا مسئول لاری ایسه شدت حادثه لرینی آرتیران اعتراض آکسیا‌لارینا اصلا ایجازه وئریلمه یه جگینی بیلدیره رک گرگین لیگی آزالتماغا جهد گوستریر.
ایلگیلی‌لی خبرلر
روسیه‌نین اوکراین راکت هوجوملاری
روسیه‌نین اوکراینین دنیپروپترووسک ویلایتینه راکت هوجوملاری نتیجه‌سینده ۸ نفر اؤلوب، 29 نفر یارالانیب
