بیرلشمیش میللت‌لر: قاچقینلارین سایسی 65،3 میلیونا چاتدی

دونیادا ائولرینی ترک ائتمک مجبوریتینده قالان 65 میلیون‌دان چوخ اینسانین اوچده ایکی‌سینی (40،8 میلیون نفر) اؤلکه ایچینده یئرین‌دن ائدیلن‌لر میدانا گتیریر

بیرلشمیش میللت‌لر: قاچقینلارین سایسی 65،3 میلیونا چاتدی

بیرلشمیش میللت‌لر تشکیلاتی‌نین قاچقین‌لار عذره عالی کومیسارلیغی، کئچن ایل 5 میلیون‌دان چوخ اینسانین ائولرینی ترک ائتمک مجبوریتینده قالدیغینی و زورلا یئرلرین‌دن ائدیلن‌لرین سایسی‌نین رکورد سویه‌ده آرتا‌راق 65،3 میلیونا چاتدیغینی آچیقلاییب.

بیرلشمیش میللت‌لر تشکیلاتی‌نین قاچقین‌لار عذره آلی کومیسارلیغی، دونیا قاچقین‌لار گونونده یایینلانان قلوبال میل‌لر راپوروندا ساواشانلار، چاتیشما، ظلم، زوراکی‌لیق و اینسان حقوق‌لاری‌نین پوزولماسی سببیله 2015-جی ایلده دونیادا زورلا یئرین‌دن ائدیلن‌لرین سایسی‌نین ان یوکسک سویه‌لره چاتدیغینا دقتی چکدی.

راپورا گؤره، 2015-جی ایلده ائولرینی ترک ائتمک مجبوریتینده قالان‌لارین سایسی بیر اوّلکی ایله گؤره 5،8 میلیون نفر آرتدی. بونون یاریسینی ایسه اوشاق‌لار تشکیل ائدیر.

دونیادا یئرین‌دن ائدیلن‌لرین سایسی بیر اؤلکه اها‌لی‌سی اولسایدی، دونیانین ان بؤیوک 21. اؤلکه‌سی اولاردی.

دونیادا ائولرینی ترک ائتمک مجبوریتینده قالان 65 میلیون‌دان چوخ اینسانین اوچده ایکی‌سینی (40،8 میلیون نفر) اؤلکه ایچینده یئرین‌دن ائدیلن‌لر میدانا گتیریر، 21،3 میلیون نفر قاچقین موقعیتینده. 3،2 میلیون نفر ده اینکیشاف ائتمیش اؤلکه‌لره سیغینا‌جاق مراجعتی ائتدی.

دقیقه‌ده ایسه اورتالاما 24 نفر ائوینی ترک ائتمک مجبوریتینده قالیر.

سوریه، افغانیستان، سوما‌لی دونیانین ان چوخ قاچقینا قایناقلیق ائدن 3 اؤلکه‌سی.

دونیادا ان چوخ قاچقین‌لار منبعی تشکیل ائدن اؤلکه‌لر سیراسییلا سوریه، افغانیستان و سوما‌لی و قاچقین‌لارین یوزده 54و یالنیز بو اوچ اؤلکه‌دن گلیر.

سوریه‌ده 2011-جی ایلدن بری 4،9 میلیون نفر قاچقین وضعیتینه دوشدو. سوریه‌نی 2،7 میلیون قاچقین ایله افغانیستان و 1،1 میلیون ایله سوما‌لی ایزلییر.

محاجیر قایناغی دیگر اؤلکه‌لر ایسه جنوبی سودان، سودان، کونگو دموکراتیک جمهوریتی، مرکزی آفریقا جمهوریتی، میانما، اریتره و کولومبیا اولا‌راق سیرا‌لانیر.

راپوردا همچینین 2015-جی ایلده 1 میلیون قاچقین و گؤچمنین چاتدیغی اوروپایا قاپی‌لارینی باغلادیغی تنقید ائدرکن دونیانین قاچقین یوکونو اینکیشاف ائتمکده اولان اؤلکه‌لرین داشیدیغینا وورغو ائدیلدی.

دونیا‌داکی قاچقین اها‌لی‌سی‌نین یوزده 86سینا اینکیشاف ائتمکده اولان اؤلکه‌لر ائو صاحب‌لیگی ائدیر، 4،2 میلیون میلیون قاچقین ایسه ان آز اینکیشاف ائتمیش اؤلکه‌لرده یاشاییر.

تورکیه ایسه دونیادا ان چوخ قاچقین‌لار ائو صاحب‌لیگی ائتمه‌یه داوام ائدیر.



ایلگیلی‌لی خبرلر