فرانسادا زیبیل ییغین‌لاری میدانا گلمه‌یه باشلادی
هر گون تخمینن 2 مین تون زیبیلی 200 یوک ماشینی ایله داشیندیغی مرکزده ایلده 700 مین تونا یاخین توللانتی دونوشدورولور
فرانسادا زیبیل ییغین‌لاری میدانا گلمه‌یه باشلادی.
فرانسادا ایش قانون پروژه‌سینی اعتراض مقصدلی اعتصاب‌لار زیبیل توپلاما مرکزلرینی ده منفی تأثیر ائتدی.
پاریس‌ین ان بؤیوک زیبیل توپلاما و دؤنوشوم مرکزی ایوری-پاریس 13ده تمیزلیک ایشچی‌لری سندیکا‌لاری‌نین چاغیریشییلا چرشنبه آخشامی گونون‌دن بو یانا ایش یاواشلاتماق حرکتی رئاللاشدیریلیر.
هر گون تخمینن 2 مین تون زیبیلی 200 یوک ماشینی ایله داشیندیغی مرکزده ایلده 700 مین تونا یاخین توللانتی دونوشدورولور. حکومتین قانونلاشدیرمایا چالیشدیغی قانونا اعتراض گؤسترن ایشچی‌لرین باشلاتدیق‌لاری اعتصاب، زامان زامان مرکزده بؤیوک زیبیل ییغین‌لاری‌نین میدانا گلمه‌سینه سبب اولور.
اعتصاب‌داکی ایشچی‌لردن دومینیگو پرولت، آنادولوآژانسی موخبیرینه ائتدیگی آچیقلامادا ایش قانونونا قارشی چیخان بوتون ایشچی‌لره دستک اولماق اوچون اعتصاب باشلاتدیق‌لارینی ایفاده ائده‌رک، "قانون پروژه‌سی گئری چکیلنه قدر اعتصاب‌لار داوام ائتمک ایستییریک. گؤردوگوموز قدریله خصوصی سکتور اوچون ائدیله‌جک دییشیک‌لیک‌لر، دولت ایشچی‌لرینی ده تأثیر ائده‌جک. دولت ایشچی‌لری‌نین خصوصی بیر ایستاتوسو قالمایا‌جاق. " دئیه دانیشدی.
موباحیثه‌لره سبب اولان قانون لایحه‌سی‌نین تصدیقلنمه‌سی حالیندا، گونده‌لیک ماکسیموم 10 ساعات‌لیق ایش مدتی 12 ساعاتا چیخاریلا‌جاق، ایش موقاویله‌سینده دییشیک‌لیک ائتمک ایسته‌ین ایشچی‌لر ایشدن آتیلا بیله‌جک، یاری زامان ایشچی‌لرین هفته‌لیک 24 ساعات اولان مینیموم ایش مدتی آزالا‌جاق، چوخ ایشلر داها آز اؤدنیش ائدیله بیله‌جک.
