چاد دیکتاتورو حسین حبرعمر بویو زیندان جزاسینا محکوم ائدیلدی

چاد-ین کئچمیش دیکتاتورو حسین حبر، حکومت مدتینده مین‌لرله نفرین اؤلدورولمه‌سین‌دن گوناهکار تانیناراق، ایتمه‌سی و ایشگنجه‌یه معروض قالماسین‌دان گوناهکار گؤروله‌رک عمر بویو زیندان جزاسینا محکوم ائدیلدی.

حبر، سنگال‌ین باشکندی داکاردا، فوق ا‌لعاده آفریقا محکمه‌سینده گؤرولن ادعادا، دولت باشقانی اولا‌راق وظیفه ائتدیگی 1982-1990 دؤورونده، مین‌لرله اینسانین ایتمه‌سی و ایشگنجه‌یه معروض قالماسین‌دان دا گوناهکار گؤرولدو.

حسین حبر، 1970-جی ایللرده قیسا داوام‌لی باشباخان‌لیغیندان سونرا، شما‌لی چاد سلاح‌لی گوجلری‌نین باشینا کئچدی.

1982-جی ایلده حاکمیتی اله کئچیرن حبر، 8 ایل اؤلکه‌نین باشیندا قالدی.

یئنه بیر کودتا ایله وظیفه‌دن اوزاق‌لاش‌دیریلان کئچمیش دیکتاتور، سیغیندیغی سنگال‌دا، 2013-جی ایلده حبس اولونموش و کئچن ایل ایلک دفعه حاکم قارشی‌سینا چیخاردیلمیشدی.