جان کیربی: سوریه‌ده تک بیر هدف وار، اؤلکه‌نین بوتون‌لوگو

جان کرینین دیله گتیردیگی "ب پلانی"نا باغلی دانیشان کیربی، کری‌نین سؤزلری‌نین معناسی‌نین خاریجینه چیخاریلدیغینی وورغولادی

443032
جان کیربی: سوریه‌ده تک بیر هدف وار، اؤلکه‌نین بوتون‌لوگو

آمریکا خاریجی ایشلر ناظرلیگی سؤزچوسو جان کیربی، سوریهده آتشکسین آردیندان تطبیق اولونماسی مذاکیره ائدیلن "ب" پلانینین، بو اؤلکهده فدرال بیر قورولوشا گئدیلمهسی اولمادیغینی ایفاده ائدهرک؛

"سوریهده تک بیر هدف وار، اؤلکهنین بوتونلوگو" دئدی.

جان کیربی، گوندهلیک مطبوعات کونفرانسیندا، سوریهده چاتیشمالارین سونلاندیریلماسی راضیلاشماسی حاقینداکی سواللاری جوابلادی.

چاتیشمالارین دایانماماسی حالیندا داها اوّل آمریکا خاریجی ایشلر ناظری جان کری دیله گتیردیگی "ب پلانی"نا باغلی دانیشان کیربی، کرینین سؤزلرینین معناسینین خاریجینه چیخاریلدیغینی وورغولایاراق،

"بو بیزیم ایستدیگیمیز دئییل، اولماسیندان قورخدوغوموز بیر وضعیت" دئدی.

کیربی، سوریهده هدفین اؤلکهنین بوتؤولوگو اولدوغونو ایفاده ائدهرک بئله داوام ائتدی:

"سوریه خالقینین سئچدیگی بیر حکومت طرفیندن ایداره اولونان اؤلکهنین مذهب آیری-سئچکیلیگی گودمهدن بیر بوتون اولماسی تک هدفیمیزدیر. بشار اسدین احتیوا ائتمهین و سوریهنین گلهجگی حاقیندا مسئولیت داشییان و احتیاجلارینا جواب وئرن بیر حکومت."

کیربی، سوریهده چاتیشمالارین سونلاندیریلماسینا باغلی پوزونتولاری یاخیندان تعقیب ائتمهیه داوام ائتدیکلرینی ده سؤیلهدی.

سازیشین پوزولدوغونو دایر سون 24 ساعات ایچینده اهمیتلی بیر خبر آلمادیقلارینی ایفاده ائدن کیربی، "ارکن نتیجهلر جسارت وئریر" ایفادهسینی ایستیفاده ائتدی.

جمعه گئجهسی اجرایه گیرن راضیلاشمانین آردیندان جدی بیر شکیلده شدتین آزالدیغینی گؤزلدیکلرینی بیلدیرن کیربی، بو موضوعدا بیر شوپههلرینین اولمادیغینی سؤیلهدی.

کیربی، روسیانین رئاللاشدیردیغی هاوا سالدیریلاریندان دا بنزر بیر نتیجه گؤردوکلرینی قید ائدهرک،

"بو ریاضی بیر گئرچک. لاکین، روسیانین و رژیمین ائتدیکلری هاوا سالدیریلارینین کیمی هدف آلدیغی موضوعسوندا قوسورسوز بیر معلومات اوچون قیمتلندیرمهلر داوام ائدیر" دئدی.



ایلگیلی‌لی خبرلر