پاریس ایجلاسیندان سوریهده آتشکس چاغیریسی چیخدی
ایجلاسدا، سوریهده آتشکهسین تامین ائدیلمهسی لازیم اولدوغو وورغولاناراق، طرفلر آراسیندا سیاسی دانیشیقلارین باشلاماسی ایستیقامتینده چاغیریش ائدیلدی
پاریس ایجلاسیندان 'سوریهده آتشکس چاغیریسی چیخدی ...
فرانسانین باشکندی پاریس، سوریه بحرانی موضوعلو ایجلاسا ائو صاحبلیگی ائتدی.
خاریجی ایشلر ناظیرلری سویهسیندکی ایجلاسا تورکیهنی تمثیلن خاریجی ایشلر ناظیرلیگی موشاویری فیریدون سینیرلی اوغلو قاتیلدی.
ایجلاسدا، سوریهده آتشکهسین تامین ائدیلمهسی لازیم اولدوغو وورغولاناراق، طرفلر آراسیندا سیاسی دانیشیقلارین باشلاماسی ایستیقامتینده چاغیریش ائدیلدی.
آمریکا خاریجی ایشلر ناظیری جان کرری یانیندا، آلمانیا، سعودی عربیستانی، بیرلشیک عرب امیرلیکلری، اوردون، قطر و اینگیلتره خاریجی ایشلر ناظیرلرینین ده حاضیر اولدوغو ایجلاسدا، ایشتیراکچیلار، سعودی عربیستانینین باشکندی ریاضدا سوریهلی موخالیفلرین بیر آرایا گلدیگی کئچن هفتکی توپلانتیدا آلینان قرارلارا دا دستک وئردی.
ریاضداکی توپلانتیدا، سوریه رهبرلیگیله کئچید پروسهسی اوزرینه موذاکیره اوتورما قراری آلان موخالیفلر، سوریه پرزیدنتی بشار اسد و دستکچیلرینین، پروسهنین باشیندا رهبرلیکدن چکیلمهسی طلب ائتمیشدی.