آمریکا: روس ساواش تییاره‌سی‌ تورک هاوا ساحه‌سینده پوزونتو ائتدیب

ترودو، تورکیه ایله روسیانین موضوع حاقیندا دیالوق قورماسینی و گرگین‌لیگی سالما‌لارینی ایستدیک‌لرینی سؤیله‌دی

396679
آمریکا: روس ساواش تییاره‌سی‌ تورک هاوا ساحه‌سینده پوزونتو ائتدیب

آمریکا خاریجی ایشلر ناظیرلیگی، کئچن هفته سالینان روس ساواش تییاره‌سی‌نین، تورک هاوا ساحه‌سینی پوزونتو ائتدیگینه دایر دلیل‌لر اولدوغونو بیلدیردی.
ناظیرلیک سؤزچوسو الیزابت ترودو،
- "تورکیه و اؤز قایناق‌لاریمیزدان دلیل‌لری ایچه‌رن معلومات‌لار، روس تییاره‌سی‌نین تورک هاوا ساحه‌سینی پوزونتو ائتدیگینی گؤستریر. هاوا ساحه‌سی پوزولماسی‌نین اوّل تورک‌لرین روس خلبانی دفعه‌لرله خبردار ائتدیگینی و جواب آلمادیق‌لارینی بیلیریک" دئدی.
ترودو، تورکیه ایله روسیانین موضوع حاقیندا دیالوق قورماسینی و گرگین‌لیگی سالما‌لارینی ایستدیک‌لرینی سؤیله‌دی.
ناظیرلیک سؤزچوسو، آمریکا پرزیدنتی باراک اوباما و خاریجی ایشلر ناظیری جان کری، تورکیه‌نین تورپاق‌لارینی و هاوا ساحه‌سینی ساوونما حاقینی دستکلدیک‌لرینی وورغولادی.
ترودو، هم آمریکا‌نین هم ده ناتو-نون دا روسیانین تورک هاوا ساحه‌سینی پوزونتولاری حاقیندا ناراحات‌لیق‌لارینی دیله گتیردیگینی قید ائده‌رک،
- "ناتو موتتفیقیمیز تورکیه‌نین اگمن‌لیک حاقینی دستکلییریک" دئدی.


اتیکتلر:

ایلگیلی‌لی خبرلر