قاچیریلان روس پیلوتلار اوچون فدیه طلبی
"قاچیرانلارین فدیه طلبی بویون ایمهیهجگیمیز بیر شانتاژدیر"
سودان خاریجی ایشلر باخانی کمال اسماعیل، روس اصیللی 2 پیلوتو قاچیرانلارین فدیه ایستکلرینی شانتاژ اولاراق دگرلندیررک، بونا بویون ایمهیهجکلرینی ایفاده ائتدی.
خاریجی ایشلر باخانی اسماعیل، تشکیل ائتدیگی مطبوعات کنفرانسیندا، سلاحلی شخصلر طرفیندن قاچیریلان روس پیلوتلارین اؤزگورلوکلرینه قوووشمالاری اوچون علاقهلی اورگانلارلا کووردینهلی چالیشدیقلارینی دیله گتیرهرک، "قاچیرانلارین فدیه طلبی بویون ایمهیهجگیمیز بیر شانتاژدیر" دئدی.
اسماعیل، مؤوضوع حاقیندا داها چوخ بیلگی وئرمهدی.
بیرلشمیش میلتلر آفریقا بیرلیگی اورتاق باریش گوجو ایله آنلاشمالی بیر هاوا یولو شیرکتینده چالیشان روس اصیللی 2 پیلوت، گئچن جمعه آخشامی گونو کیملگی بیلینمهین شخصلر طرفیندن دارفورون مرکزینده قاچیریلمیشدی. باریش گوجو، پیلوتلارین قاچیریلدیغی خبرینی بو گون بیر آچیقلامایلا دوغرولادی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب