بلژیک‌‌ده چارلز میشل حکومتی وظیفه‌سینه باشلادی

بلژیک‌‌ده چارلز میشل حکومتی وظیفه‌سینه باشلادی
بلژیک‌ده والون لیبرال چارلز میشل (38) باشچیلیغیندا، مرکز ساغ و میللیتچی پارتیلرین داخیل اولدوغو کوالیسیون حکومتی، آند ایچه‌رک دونن وظیفه‌یه باشلادی.
25 می‌دکی عمومی سئچیم‌لرین آردین‌دان 4 آیا یاخین‌لاشان مذاکیره‌لرله فورما‌لاشان کوالیسیون حکومتینده والون و فلامان لیبراللره علاوه‌دن فلامان خریستیان دموکرات‌لار و مستقیل‌لیک طرفداری یئنی فلامان اتفاقی (N-VA) پارتیسی یئر آلیر.
سون عمومی سئچیم‌لرده فلامان بؤلگه‌سینده سس‌لرین تخمینن اوچده بیرینی آلا‌راق ایلک سیرایا یئرلشن N-VA، 18 عضو‌لو ناظیرلر هیاتینده ایچ ایشلر، مالیه، ساوونما، گؤچ و یوخسوللوقلا مباریزه ساحه‌لرینده 5 صندله صاحبی اولدو.
باش ناظیر میشل‌ین پارتیسی والون لیبرال‌لار (MR) موجود خاریجی ایشلر ناظیری دیدیر ریندرسین وظیفه‌سینی داوام ائتدیرمه‌سینی ساغلاماسی یانیندا بودجه، اکینچی‌لیک، انرژی، نقلیات و اجتماعی گوونلیک ناظیرلیک‌لرینی بوینونا گؤتوردو.
فلامان خریستیان دموکرات‌لار(CD&V) ایقتیصاد، عدالت و تیجارت، فلامان لیبرال‌لار (Open Vld) تلکومونیکاسیون، ساغلیق و قانونسوزلوغوا قارشی مباریزه ناظیرلیک‌لرینی گؤتوردو.
هله ده 65 اولان تقاوودچولوق یاشینی 2025دن اعتباراً 66یا و 2030-جو ایلده 67یه یوکسلده‌جگینی آچیقلایان یئنی حکومت، اجتماعی خرجلری‌نین و اجتماعی یاردیم‌لاری قیسا‌راق 2018-جی ایلده برابر بودجه وعده سینی وئردی.