باریش پیناری حرکاتی

آماچ حضور،
هدف ترور

اوکراین‌ین پایتختی کیئودکی مستقیل‌لیک میدانیندا چاتیشما چیخدی

اوکراین‌ین پایتختی کیئودکی مستقیل‌لیک میدانیندا چاتیشما چیخدی


اوکراین‌ین پایتختی کیئودکی مستقیل‌لیک میدانیندا چاتیشما چیخدی.
کئچن آیلاردا میدانداکی اعتراض گؤستری‌لرینده حیاتینی ایتیرن‌لرین خاطره‌سینه مشعل‌لرله گئتمک ایسته‌ین 200-ه یاخین ماسک‌لی گنج میدان‌دان کئچمک ایسته‌دی.
ساوونما گوج‌لری قروپون کئچمه‌سینه ایجازه وئرمیینجه چاتیشما چیخدی.
طرف‌لر، اللرین‌دکی چوبوق و پارتلاییجی ماده‌لرله بیر-بیرلرینه سالدیری ائتدی.
چاتیشمادا، بیر نئچه نفرین یارالاندیغی بیلدیریلدی.
داها سونرا طرف‌لر آراسیندا اوزلاشما تامین ائدیلدی. مستقیل‌لیک میدانینداکی اعتراض حرکت‌لری زامانی اؤلن‌لرین خاطره‌سینه مشعل‌لرله گئتمک ایسته‌ین گنج‌لرین، ماسک‌لارینی چیخاردا‌راق میدان‌دان کئچمه‌لرینه ایجازه وئریلدی.
دیگر طرف‌دن روس یانلی‌سی آیریلیقچی‌لاری، لوگانسکتا بعضی بینا‌لاری ایشغال ائتدی.
روسیا طرفداری ماسک‌لی، سیلاح و دمیر سوپا‌لی کیشیلر، لوگانسکتا ایلک اولا‌راق بؤلگه‌سل رهبرلیک بیناسینی اله کئچیردی.
بینانین شوشه‌لرینی و قاپی‌لارینی قیرا‌راق بینایا گیرن آیریلیقچی‌لاری اوکراین بایراغینی ائندیردی.
بینانین اله کئچیریلمه‌سی‌نین آردین‌دان بیر قروپ ساوچیلیق بیناسینی، بیر قروپ دا دولت تلویزیونونون لوگانسکداکی بیناسینی اله کئچیردی.
روسیا یان‌لیسی سیلاح‌لی قروپ‌لار داها سونرا گوونلیک بیناسی قارشی‌سیندا توپلاندی.
گوونلیک بیناسینی دا ایشغال ائتمک ایسته‌ین سئپاراتچی‌لارین، ایچری آلینمادی.
بو آرادا، روسیا خاریجی ایشلر ناظیری سئرگئی لاوروو، آمریکا و آوروپا بیرلیگی‌نین، اوکراین سیاستی سببیله اؤلکه‌سینه یؤنلیک آلینان تحریم‌لری رد ائتدیک‌لرینی سؤیله‌دی.
لاوروو، اوکراین‌داکی بحرانی‌نین سرعت‌لی بیر شکیلده حلّه قوووشدورولماسینی دستکلدیک‌لرینی ایفاده ائتدی.
اوکراین دولت صدر معاوینی و مجلیس باشقانی‌ آلکساندر تورچینوو، حادثه‌لرین دونتسک و لوگانسک اوستانلارینداکی گوونلیک ایشچی‌لری‌نین ائیلمسیزلیغینی، چاره‌سیزلیگینی و بعضن ده خیانت ائتدیگینی گؤستردیگینی ایفاده ائتدی.
تورچینوو، داخیلی ایشلر ناظیری آرسن آواکوو‌دان، سؤز موضوعسو شهرلرین گوونلیک مودورلرینی وظیفه‌دن آلماسینی طلب ائتدی.


اتیکتلر:

ایلگیلی‌لی خبرلر