باریش گوجونون وظیفه مدتی اوزادیلدی

باریش گوجونون وظیفه مدتی اوزادیلدی

 
بمت گوونلیک شوراسی، مراکشین غربی صحرا بؤلگه‌سینده اولان بمت صلح گوجو میسیونو‌نون (MINURSO) وظیفه مدتینی بیر ایل اوزاتدی.
ایسپانیانین بؤلگه‌دن آیریلماسی‌نین آردین‌دان 1975-جی ایلدن بری مراکش طرفین‌دن ایداره اولونان و 1991-جی ایله قدر مستقیل‌لیک یان‌لی‌لاری ایله گوونلیک گوجلری آراسیندا چاتیشما‌لارین یاشاندیغی بؤلگه‌ده اولان مینورسونون وظیفه مدتینی گله‌جک ایل 30 آوریله قدر اوزا‌دان بیرلشمیش میللتلر گوونلیک قورولو قرار لاییحه‌سی یئکدیل‌لیکله قبول ائدیلدی.
بیرلشمیش میللتلر گوونلیک قورولو قراریندا، بؤلگه‌ده یاشانان اینسان حاق‌لاری پوزونتوسو ادعا‌لاری‌نین آراشدیریلماسی اوچون بمت باش کاتیبی بان کی-مونون دا ایستدیگی گؤزلمچی میسیونو یارادیلماسی طلبی ایسه یئر آلمادی.
فراکشین اعتراضلاری سببیله آمریکا طرفین‌دن حاضیرلانان قرار قانونونا اینسان حاق‌لاری گؤزلمچی میسیونو‌نون اکلنمه‌دیغی اؤیرنیلدی.
اینسان حاق‌لاری تشکیلات‌لاری، مراکشین بؤلگه‌دکی مستقیل‌لیک طرفدارلاری‌نین ایفاده آزادلیغینی محدودلاش‌دیرماق و شدت ایستیفاده ائتمکله گوناهلاندیریر.
بؤلگه‌نین گله‌جگینی معین ائتمک اوچون کئچیریلمه‌سی نظرده توتولان رفراندوما باغلی ایسه هر هانسی بیر آچیقلاما ائدیلمه‌دی.


اتیکتلر:

ایلگیلی‌لی خبرلر