تورکیهنین ایلک اوزای آراجی ۲۰۲۶دا یولا چیخاجاق
حاضرلانان میللی اوزای پروگرامی چرچیوهسینده تورکیهنین ۱۰ ایللیک پلان و هدفلری معین ائدیلدی
تورکیهنین میللی اوزای/فضا پروگرامی چرچیوهسینده باشلاتدیغی آی آراشدیرما پروگرامی ایله گلیشدیریلهن ایلک اوزای آراجیندا بوتون سورهجلرین ۲۰۲۶دا تاماملانماسی و آراجین اوزایا آتیلماسی هدفلنیر.
تورکیه بیلیمسل و تکنیک آراشدیرما قورومو توبیتاکدان الده ائدیلهن بیلگیلره گؤره، صنایع و تکنولوژی باخانلیغی، تورکیه اوزای آژانسی (توا) و قوروم چالیشمالاری ایله اؤلکهدهکی قورولوشلارین قاتقیلارییلا حاضرلانان میللی اوزای پروگرامی چرچیوهسینده تورکیهنین ۱۰ ایللیک پلان و هدفلری معین ائدیلدی.
آچیقلانان ۱۰ پروگرامدان ایلکینی اولوشدوران آی آراشدیرما پروگرامی ایله اؤلکهنین آیدا وارلیق گؤسترهن ساییلی اؤلکهلردن بیری اولماسی آماجلاندی.
آی آراشدیرما پروگرامینین ایلک مرحلهسی اولان آیاپ-۱ چرچیوهسینده آیین یؤرونگهدن کشفی و آی سطحی ایله ایلک تماسین گئرچکلشدیریلمهسی، ایکینجی مرحلهده ایسه آیاپ-۲ پروژهی ایله یومشاق ائنیش اوصولو ایله سطحه بیر گزیچی کشف آراجینین (روئر) ائندیریلمهسی هدفلهندی.
آی آراشدیرما پروگرامینین آیاپ-۱ پروژهی چرچیوهسینده دونیادان آی اوربیتینه چاتاراق بورادان بیلگی ییغان و سونراسیندا آی سطحی ایله تماس تامین ائدجک بیر اوزای آراجی گلیشدیریلهرک وظیفه ایجرا ائدیلهجک.
بونون یانیندا میللی ایمکانلارلا گلیشدیریلهجک تکنولوژیلر، محصوللار، پروگراملار و تجهیزاتین باشاریلی اولماسییلا اؤلکهنین سیستم گلیشدیریمه و چتین وظیفه عملیاتلارینی گئرچکلشدیرهبیلمه قابیلیتینه دایر اولوسلارآراسی اعتباری آرتیریلاجاق.
آیاپ-۱ چرچیوهسینده، تورکیهنین ایلک "آی" و "درین اوزای" وظیفهسینین گئرچکلشدیریلمهسی و عملیاتی تجروبه قازانیلماسی هدفلهنیر.
آی اوربیتینده (دونیادان ۴۰۰ مین کیلومتر اوزاقدا) وظیفه یئرینه یئتیرهبیلهجک و یومشاق ائنیشه اویغون بیر اوزای آراجی گلیشدیریلمهسی پلانلانیر.
آیریجا، یئرلی ایمکانلارلا گلیشدیریلهن هیبرید حرکت ائتدیرمه سیستمینین اوزای تاریخچهسی قازانماسی، آی سطحیندن آلیناجاق یوکسک چؤزونورلوکلو گؤرونتولر و بیلیمسل بیلگیلرین (آیداکی سویون منشائی، مینی-مانیتوسفر اولوشوملاری، سطح بیلهشنلری، سطح ایستیلیک و یانسیماخریطهلری، رادیاسیون) تورکیهدهکی بیلیم اینسانلاری طرفیندن بیلگییه چئوریلمهسی پلانلانیر.
بوتون سورهجلرین ۲۰۲۶.جی ایلده تاماملانماسی و عینی ایل اوزای واسطهسینین آتیلماسی پلانلانیر.
ایلگیلیلی خبرلر
تۆرکیهدن ۱۱۹ اونیوئرسیته دونیانین ان یاخشیلاری آراسیندا
تۆرکیهدن ۱۱۹ اونیوئرسیته، دونیانین ان یاخشی ۳ مین اونیوئرسیتهسی سیرالاماسینا گیردی
