سلجوق بایراقدارا آذربایجاندان مدال

تورکیه تکنولوژی تیمی وقفی (ت۳ وقفی) یؤنه‌تیم قورولو باشقانی سلجوق بایراقدارا، آذربایجان جمهورباشقانلیغی وطنداشلارا خیدمت و اجتماعی اینوواسیونلار دؤولت آژانسی (آسان خیدمت) مدالی وئریلدی.
بایکاردان وئریله‌ن آچیقلامایا گؤره، آذربایجان جمهورباشقانی ایلهام علییئوین آلدیغیقرارلا آسان خیدمت وئریملی امکداشلیق مدالی، آسان خیدمت باشقانی اولوی مهدییئو طرفیندن سلجوق بایراقدارا تقدیم ائدیلدی.
ت۳ وقفی ایله آسان خیدمتین اورتاق شکیلده قوردوغو "بیلیم باکی"‌دا گئرچکلشن مدال مراسیمینه، مرکزده تحصیل آلان اؤیرنجیلرین یانیندا تورکیه‌نین باکی ائلچیسی دکتر جاهید باغچی دا قاتیلدی.
سلجوق بایراقدار، بایکار طرفیندن میللی و اؤزل اولاراق گلیشدیریله‌ن بایراقدار تب۲ سیهالارین قاراباغین ارمنیستان ایشغالیندان قورتولماسینا وئردیگی قاتقی سببی ایله جمهورباشقانی علییئو طرفیندن ۲۰۲۱ده قاراباغ نیشانی ایله اؤدوللندیریلمیشدی. داها اؤنجه آذربایجان ساوونما باخانی ذاکیر حسنوو طرفیندن "عسگری امکداشلیق ساحه‌سینده خیدمت مدالی" وئریله‌ن بایراقدار، ۲۰۲۲ده ایسه اوکراینا دؤولت باشقانی ولودیمیر زلنسکیین امری ایله اوکراینا دؤولت لیاقت نیشانینا لایق گؤرولموشدو.