اردوغان، تکنولوژی فستیوالیندا دانیشدی
"تام باغیمسیز تورکیه هدفیمیزه چاتانا قدر گئجه گوندوز دئمهدن چالیشاجاغیق"
جمهورباشقانی رجب طیب اردوغان، تورکیهنین، ساوونما صنایعی صادراتیندا بو ایلکی هدفینین ۶ میلیارد دلاری آشماق اولدوغونو سؤیلهدی.
جمهورباشقانی اردوغان، ایزمیرده چیغلی هاواآلانیندا تشکیل ائدیلهن هاواچیلیق، اوزای و تکنولوژی فستیوالی تکنوفستده دانیشدی.
"بو گون بورادا یالنیز میللی تکنولوژی حملهمیزین هامیسی غرور قایناغیمیز اولان محصوللارینی گؤرموروک" دئیهن اردوغان، عینی زاماندا بؤیویهن، گوجلنهن، سرحدلری آشان، اؤزونه اینام و ادعا صاحبی تورکیهنین یوکسلیشینه ده شاهید اولوندوغونو دیله گتیردی.
اردوغان، ساوونما صنایعی ساحهسینده هامیسی بیر بیریندن حساس ۸۵۰ فرقلی پروژهنی دقیقلیکله حیاتا گئچیردیکلرینی ایضاح ائدرک،
"دونیاداکی ایلک سیها (سلاحلی اینسانسیز هاوا آراجی) گمیسی اولان تجگ آنادولو دنیزلریمیزده بایراغیمیزی غرورلا دالغالاندیریر" دئدی.
تورکیهنین، ساوونما صنایعی آتاقلارییلا بیرلیکده صادراتینین دا قاتلاناراق آرتدیغینی ایفاده ائدن جمهورباشقانی اردوغان،
"ساوونما صادراتیندا بو ایلکی هدفیمیز ۶ میلیارد دلاری آشماقدیر. نئجه بو ساحهدهکی صادراتیمیزی ۲۴۸ میلیون دلاردان گئچهن ایل ۴،۵ میلیارد دلارا چیخاردیق ایسه انشاالله بو رقملرین اوستونو ده یاخالایاجاغیق. دیگر ساحهلرده اولدوغو کیمی ساوونمادا دا تام باغیمسیز تورکیه هدفیمیزه چاتانا قدر گئجه گوندوز دئمهدن چالیشاجاغیق" دئیه دانیشدی.
ایلگیلیلی خبرلر
تۆرکیهدن ۱۱۹ اونیوئرسیته دونیانین ان یاخشیلاری آراسیندا
تۆرکیهدن ۱۱۹ اونیوئرسیته، دونیانین ان یاخشی ۳ مین اونیوئرسیتهسی سیرالاماسینا گیردی
