مارسین قابیغی یئرینکیندن داها قالیندیر
بیلیم اینسانلاری، مارس قابیغینین اورتالاما ۴۵ ایله ۵۶ کیلومتر قالینلیقدا اولدوغونو معین ائتدی
مارس (قیزیل گزه‌گن/قیزیلدیز)دا گئچه‌ن ایلکی زلز‌له، مارس قابیغینین یئرینکیندن داها قالین اولدوغونو اورتایا چیخاردی.
ساینس نیوزون خبرینه گؤره، آمریکا هاواچیلیق و اوزای آژانسی (ناسا) این‌سایت ائنیش آراجینین معین ائتدیگی زلزله‌دن الده ائدیله‌ن معلوماتلاری بیلگیلندیره‌ن بیلیم اینسانلاری، مارس قابیغینین اورتالاما ۴۵ ایله ۵۶ کیلومتر قالینلیقدا اولدوغونو معین ائتدی.
بو بیلگیلره گؤره، مارس قابیغینین یئر قابیغیندان تخمیناً یوزده ۷۰ داها قالین اولدوغو آچیقلاندی.
ائدیله‌ن اؤلچومون، ناسانین دؤرد دونیا ایلی بویونجا مارس‌داکی قابیق حرکتلرینی یازان ثابت بیر سیسمومتره اولان این‌سایت ائنیش آراجین‌دان الده ائدیله‌ن معلوماتلارا دایاندیغی ایفاده ائدیلدی.
ناسا این‌سایت، می ۲۰۲۲ده بوتون مارسی تأثیری آلتینا آلان و آلتی ساعات‌دان چوخ سوره‌ن ۴،۷ بؤیوکلوگون‌ده بیر زلز‌له ثبت ائتدی. زلزله‌نین مارسین قابیغینی اوچ دفعه گزدیگی معین ائدیلدی.
بو معلوماتلاردان ایستیفاده ائد‌ن زوریخ ای‌تی‌اچ اونیوئرسیته‌سین‌دن سیسمولوژی متخصصی دویون کیم و اکیبی، گزه‌گنین قابیق قالینلیغینی تخمین ائتدی.
آراشدیرماچیلار، قابیغین یالنیز دونیا و آیینکیندان داها قالین اولماقلا قالماییب، بوتون قیزیل گزه‌گن‌ده عینی قالینلیقدا اولمادیغینی، گزه‌گنین قوزئی یاریم‌کوره‌سینین گونئی یاریم‌کوره‌سین‌دن داها آلچاق اولدوغونو دا تعیین ائتدی.
آراشدیرما "جیوفیزیکل ریسرچ لترز"دا یاییملاندی.
ایلگیلی‌لی خبرلر
"تورکیه‌نین ساوونما صنایعی گلیشمیش اؤلکه‌لره کؤک سؤکدورور"
لندن مرکزلی ده اکونومیست درگیسی تورکیه‌نین ساوونما صنایعینده‌کی باشاریلارینا گئنیش یئر آییردی
