نفسدن و یا آیاق ایزیندن دی‌ان‌ای نمونه‌سی آلینابیله‌جک
اینسانین دی‌ان‌ای‌ینه عاید معلوماتلار آرتیق، آیاق ایزلرین‌دن، بیر اوتاق‌دا تنفوس ائدیله‌ن هاوادان و یا اقیانوس‌دا اوزرکه‌ن بوراخیلان توپورجک بنزری توللانتیلاردان معین ائدیله‌بیله‌جک
دی اوکسی ریبو نوکلیک اسید (دی‌ان‌ای) نومونه‌لرینین، اینسانین یویوندوغو سودان، هاوایا قاریشان نفسین‌دن و یا قوملوقداکی آیاق ایزیندن بئله توپلانابیله‌جگی کشف ائدیلدی.
آمریکا بیرلشمیش دؤولتلرین‌ده فلوریدا اونیوئرسیته‌سین‌دن بیر قروپ آراشدیرماچی، بیر اینسانین دی‌ان‌ای‌ینه عاید معلوماتلارین آرتیق، ساحل‌ده بوراخیلان آیاق ایزلرین‌دن، بیر اوتاق‌دا تنفوس ائدیله‌ن هاوادان و یا اقیانوس‌دا اوزرکه‌ن بوراخیلان توپورجک بنزری توللانتیلاردان معین ائدیله‌بیله‌جگینی اورتایا قویان بیر بولوشا ایمضا آتدی.
نیچر اکالیجی & ائوولیشن آدلی علمی درگیده نتیجه‌لری یاییملانان آراشدیرمادا، بیلیم اینسانلارینین، نسلی توکه‌نمکده اولان توسباغالارینی آراشدیرماق اوچون قوم‌دا اولان اکولوژیک دی‌ان‌ای نومونه‌لرینی توپلارکه‌ن، تاپینتیلارین چوخ کیفیت‌لی اولدوغو و او بؤلگه‌ده یاشایان پوپولاسیونون ژنتیک آتالارینین تعیین اولونابیلدیگی نتیجه‌سینه چاتدیقلاری ایفاده ائدیلدی.
آراشدیرما چرچیوه‌سین‌ده ۶ نفرین چالیشدیغی ۲۸۰ مربع مترلیک بیر حیوان کلینیگیندن آلینان هاوا نومونه‌لری اوزرین‌ده ائدیله‌ن آراشدیرمادا، چالیشان پرسنل و حیوانلارا عاید دی‌ان‌ای‌لرین معین ائدیله‌رک ائشلشدیرمه‌لرینین ائدیله بیلدیگی موشاهیده ائدیلدی.
آراشدیرما راپوروندا،
"توپورجگیمیز، دریمیز، تریمیز و قانیمیز یولویلا اطرافا قاریشان اینسان دی‌ان‌ایی، ایتکین شخصلرین تاپیلماسینا و جینایتلری حل ائتمک اوچون عدلی سوروشدورمالارا کؤمکچی اولماق، آرکئولوژیک اؤنمه صاحب ساحه‌لری تعیین ائتمک و آتیق سولارداکی دی‌ان‌ای ایزلری واسطه‌سی ایله ساغلیغی ایزله‌مک اوچون ایستیفاده ائدیله‌بیلر" ایفاده‌سی ایشله‌دیلدی.
بو آرادا، راپور‌دا عینی اصوللارین، "محرمیت پوزونتولاری، مؤقعیت ایزله‌مه، معلومات توپلاما، فردلرین و یا جمعیتلرین ژنتیک تعقیبی" کیمی پیس نیتلی ایشلرین ائدیلمه‌سینی آسانلاشدیرابیله‌جگی تهلوکه‌سینه ده ایشاره ائدیلدی.
ایلگیلی‌لی خبرلر
مارسین قابیغی یئرینکیندن داها قالیندیر
بیلیم اینسانلاری، مارس قابیغینین اورتالاما ۴۵ ایله ۵۶ کیلومتر قالینلیقدا اولدوغونو معین ائتدی
