اردوغان آلتای تانکینین تحویل مراسیمینده دانیشدی

"یئنی آلتای تانکیمیزین بو جغرافیادا سلاحلی گوجلریمیز اوچون چوخ اؤنملی بیر گوج اولاراق وظیفه یئرینه یئتیرجگینه اینانیرام"

1978484
اردوغان آلتای تانکینین تحویل مراسیمینده دانیشدی
altay tank.jpg

جمهورباشقانی رجب طیب اردوغان، اوردو طرفین‌دن تستلری تاماملادیقدان سونرا آلتای تانکلارینین سری اوره‌تیمینه باشلایاجاقلارینی سؤیله‌دی.
جمهورباشقانی اردوغان، ساکاریادا یئنی آلتای تانکینین تحویل مراسیمینده دانیشدی.
هدفین تام موستقیل ساوونما صنایعی اولدوغونا ایشاره ائد‌ن اردوغان، ساوونما پروژه‌لرینین توپلام بودجه‌سینین ۷۵ میلیارد دلارا چاتدیغی معلوماتینی وئردی.
جمهورباشقانی اردوغان، گوونلیک گوجلرینی ایستیفاده ائتدیکلری قورو آراجی طلبینی یئرلی و میللی ایمکانلارلا قارشیلاماق اوچون اوزون ایللردیر سیخ شکیلده چالیشدیقلارینی خاطیرلاتدی.
تاکتیک تکرلی زره‌لی‌لردن، مینه قارشی قورومالی واسطه‌لره چوخ ساییدا آراجین اوره‌تیمینی باشارییلا گئرچکلشدیردیکلرینی وورغولایان اردوغان،
"یئنه فیرتینا هویتزرلریندن فرقلی کالیبرده سلاح و محاریب آراج ده اوردوموزون خیدمتینه سوندوق. آیریجا اوردودا اولان تانک و زره‌لی ساواش آراجلاریمیزین ان سون تکنولوژیلرله مودرنیزاسیونلارینی ائتدیک، ائدیریک" دئیه دانیشدی.
اردوغان، تورکیه‌نین، ساوونما صنایعی محصوللاری بیر چوخ اوردو طرفین‌دن ایستیفاده ائدیله‌ن تداروک‌چو بیر اؤلکه قونوومونا گلدیگینی ایفاده ائتدی.
اردوغان، "یئنی آلتای تانکیمیزین بو جغرافیادا سلاحلی گوجلریمیز اوچون چوخ اؤنملی بیر گوج اولاراق وظیفه یئرینه یئتیرجگینه اینانیرام" دئدی.
"اوردوموز طرفین‌دن تستلری تاماملادیقدان سونرا تانکلاریمیزین سری اوره‌تیمینه باشلایاجاغیق." شکلینده دانیشان جمهورباشقانی، یئنی آلتای تانکلارینین قارشیسیندا پروتوکول عضولری ایله ده فوتوگراف چکدیردی.
جمهورباشقانی اردوغان، سوسیال مئدیا حسابین‌دان ائتدیگی پایلاشیمدا دا، "قورخمادیق، گئری آددیم آتمادیق و باجاردیق. بودور، یئنی نسیل آلتای تانکیمیز..." ایفاده‌لرینه یئر وئردی.



ایلگیلی‌لی خبرلر