قیزیل آلما ایلک اوچوشونو باشارییلا تاماملادی

تورکیه‌نین ایلک اینسانسیز ساواش اوچاغی بایراقدار قیزیل آلما ائنیش تکرلری باغلی ایلک اوچوشونو باشارییلا تاماملادی.
ماشین اعمالات و ساوونما شیرکتی بایکاردان وئریله‌ن آچیقلامایا گؤره، یوکسک سرعتلره چیخاراق ایجرا ائدیله‌ن سیستم تانیلاما تستینده بایراقدار قیزیل آلما ایلک دفعه ائنیش تکر‌لرینی گؤوده ایچینه آلاراق یوکسک سرعتلرده ائتدیگی مانور تستلرینی باشارییلا تاماملادی.
تورکیه‌نین ایلک اینسانسیز ساواش اوچاغی دونن تکیرداغین چورلو ائلچه‌سینده اولان آخینچی اوچوش تعلیم و تست مرکزینده داها یوکسک سرعتلرده ایلک دفعه ائنیش تکر‌لری باغلی اولاراق گئرچکلشدیردیگی سیستم تانیملاما و مانور تستلرینی باشارییلا گئرچکلشدیردی.
میللی اینسانسیز سساواش اوچاغی، تست چرچیوه‌سینده پیست اوزریندن آلچاق ارتفاعدا یوکسک سرعت‌ده گئچیشلر ائتدی.
وئریله‌ن بیلگییه گؤره، ایندییه قدر ایکی پروتوتیپی باشارییلا چیخاریلان بایراقدار قیزیل آلمانین گلیشدیرمه و اوره‌تیم فعالیتلری داوام ائدیر.
میللی اینسانسیز ساواش اوچاغینین ۲۰۲۴-جو ایلده سری اوره‌تیمینه گئچیلمه‌سی پلانلانیر.
بایراقدار قیزیل آلما، هاوا-یئر وظیفه‌لری ایله بیرلیک‌ده صونعی ذکا قابیلیتی ایله هاوا-هاوا ساواشی ایجرا ائد‌جک، دوشوک رادار کسیتی سایه‌سینده صاحب اولاجاغی دوشوک گؤرونورلوک ایله تورکیه اوچون گوج قایناغی اولاجاق.
قیسا پیستلی گمیلردن قالخیش و ائنیش قابیلیتی ایله ساواش ساحه‌سینده دئوریم گئرچکلشدیره‌جک بیر پلتفورم اولاجاق بایراقدار قیزیل آلما، بو قابیلیتی سایه‌سینده دنیز آشیری وظیفه‌لرده اؤنملی رول اوستله‌نه‌رک گؤی وطنین (تورک دنیزلری) قورونماسین‌دا استراتژیک وظیفه‌لر یئریده‌‌جک.