ایمه‌جه‌نین آتما ایشی بیر دفعه داها ائرته‌لندی

تورکیه‌نین متر آلتی چؤزونورلوگه صاحب یئرلی و میللی ایلک گؤزلم اویدوسو ایمه‌جه‌ین آتما ایشینین بیر دفعه داها ائرته‌لندیگی بیلدیریلدی.
توبیتاک‌دان (تورکیه بیلیمسل و تکنیک آراشدیرما قورومو) وئریله‌ن آچیقلامادا، ایمه‌جه اویدوسونو اوربیتینه داشییاجاق فالکون ۹ راکتینین عملیاتین‌دان مسئول اسپیس اکس شیرکتینین، آتما ایشینی بو گون ائتمه‌نین مومکون اولمادیغینی رسمی اولاراق بیلدیردیگی قید ائدیلدی.
آچیقلامادا، هله‌لیک ۱۴ آوریل جمعه گونو ۰۹.۴۸ ساعاتینا ائرته‌لنن آتمانین، قطعی تاریخ و ساعاتینین داها سونرا بیلدیریله‌جگی بیلدیریلدی.
اؤته یاندان اسپیس اکس توییتر حسابین‌دان وئریله‌ن پایلاشیمدا دا علاوه مدتین قروپلارین آتما اؤنجه‌سی کنترللاری تاماملاماسی و هاوا شرطلرینین یاخشیلاشماسینا ایمکان تانییاجاغی ایفاده ائدیلدی.
داها اؤنجه، دونن سحر گئرچکلشمه‌سی پلانلانان آتمانین بیر گون ائرته‌لندیگی آچیقلانمیشدی. اسپیس اکسین آچیقلاماسیندا دا هاوا شرطلرینین ایزله‌نیلدیگی ایفاده ائدیلمیشدی.
ایمه‌جه اویدو، ۲۱ فوریه‌ده آمریکا بیرلشمیش دؤولتلرین‌ده اولان واندنبرگ اوزای گوجلری مرکزینه یولا سالینمیشدی.