مایکروسافت پروگراملارینا صونعی ذکا علاوه ائده‌جک

آمریکالی تکنولوژی شیرکتلرین‌دن مایکروسافت، وورد، اکسل و آوتلووک دا داخیل اولماق اوزره اوفیس پروگراملارینا صونعی ذکا علاوه ائدجگینی بیلدیردی.
شیرکت‌دن وئریله‌ن آچیقلامادا، "کوپیلوت" آدلی یئنی اؤزللیگین، اوزون ایمیللری اؤزتله‌مه، وورددا تاسلاق حکایه‌لر حاضرلاما و پاویرپوینتدا اسلایدلاری جانلاندیرما کیمی حرکتلره ایمکان وئرجگی بیلدیریلدی.
شیرکتین، اویقولامالاریا سون دؤنمده یاییغین اولان یاپای ذکا صحبت روباتی چت‌جی‌پی‌تی‌یه بنزه‌یه‌ن "بیزنس چت" آدلی صحبت ایشله‌وینی دا علاوه ائدجگی ایفاده ائدیله‌ن آچیقلامادا، کوپیلوتون، ایستیفاده‌چی بیلگیلرینی تمل آلاراق معین بیر پروژه ایله باغلی ایمیلی ایش یولداشلارینا اؤزتله‌مک کیمی حرکتلر گئرچکلشدیره‌بیله‌جگی ایفاده ائدیلدی.
مایکروسافت ۳۶۵ باش مودورو کولت استالباومر، یئنی اؤزللیکلرین بو آندا یالنیز ۲۰ قورومسال موشترییه سونولدوغونو، ایر‌لیله‌یه‌ن آیلاردا داها چوخ موشترییه سونولاجاغینی قید ائتدی.