ماسکین اؤز شهرینی تیکه‌جگی ادعا ائدیلیر
شهر، ایالتین آستین شهری یاخینلاریندا اولان بستراپ ائلچه‌سینده تیکیله‌جک
اسپیس اکس و توییترین صاحبی ایلان ماسکین، آمریکا بیرلشمیش دؤولتلرینین تگزاس ایالتی یاخینلارینداکی بؤلگه‌یه اؤز شهرینی تیکمه‌یی پلانلادیغی بیلدیریلدی.
وال استریت ژورنالین خبره گؤره، سؤزو گئدن شهر، ایالتین آستین شهری یاخینلاریندا اولان بستراپ ائلچه‌سینده تیکیله‌جک.
تیکیمی داوام ائدن بورینگ و اسپیس اکس تاسیسلرینین یانین‌داکی ساحه‌یه تملینین آتیلماسی پلانلانان شهرین، ماسکین شیرکتلرین‌ده‌کی چالیشانلارین بازارین آلتیندا کیرایه اؤدنیشلریله یئنی ائولره داشینماسینا ایمکان وئره‌جگی ادعا ائدیلدی.
تگزاس قانونلارینا گؤره بیر بؤلگه‌نین شهر قبول ائدیله‌بیلمه‌سی اوچون مراجعت ائدیلمه‌دن اؤنجه ان آز ۲۰۱ نفرین بو بؤلگه‌ده یاشاماسی لازیمدیر. بو سۆره‌جین آردیندان بؤلگه یارغیجیندان تصدیق آلینیر.
بستراپ بؤلگه‌سیندن بیر مسئولون آچیقلاماسیندا، ماسک‌دان و یا صاحبی اولدوغو هر هانسی بیر قورولوش‌دان هله مراجعت آلینمادیغی قید ائدیلدی.
