ایلان ماسکین بئیین ایمپلتی سیناغینا اجازه وئریلمه‌دی

آمریکا بیرلشمیش دؤولتلری غذا و درمان ایداره‌سی، اسپیس اکس اوزای شیرکتینین اوست سویه یؤنه‌تیچی‌سی ایلان ماسکین نیورالینک شیرکتی طرفیندن گلیشدیریله‌جک بئیین ایمپلنتینین کلینیک سیناقلارینی رد ائتدی.

سبب ایسه، پتانسیل بئیین توخوسو صدمه‌سی قونوسوندا قایغیلارین اولماسیدیر.

آمریکا بیرلشمیش دؤولتلری غذا و درمان ایداره‌سی، ایستیفاده‌چینین بئینی ایله آرا اۆز/اینترفیس اولوشدوران کیچیک ایپجیکلرین کؤچ ائد‌رک بئیین و ایمپلنت ایشله‌وسللیگینی دییشدیره‌بیله‌جگی، التهابلانمایا، قان دامارلارینی ییرتماسینا و باشقا شکیلده کؤورک توخویا ضرر وئره‌بیله‌جگینه دایر قایغیلاری سبب گؤستردی.

آمریکا بیرلشمیش دؤولتلری غذا و درمان ایداره‌سینین، نیورالینکین ضرر وئرمه‌دن قالدیریلیب قالدیریلاممایاجاغی قونوسوندا دا قایغی دویدوغو بیلدیریلیر.

ایلان ماسک داها اؤنجه نیورالینکه، اؤز اوشاقلارینا یئرلشدیره‌جک قدر گۆوندیگینی، فلجلره تام حرکتلیلیک قازاندیراجاغینی و سونوندا اینسانلارین خاطره‌لری ثبت ائدیب یئنیدن مرور ائده‌بیله‌جکلرینی سؤیله‌میشدی.