کیچیک گزه‌گن یئرین چوخ یاخینیندان گئچه‌جک
کیچیک گزه‌گن، ایندییه قدر ثبت ائدیلن ان یاخین قارشیلاشمالاردان بیرینده یئرین یاخینیندان گئچه‌جک
کامیون بؤیوکلوگونده بیر کیچیک گزه‌گن/آستروید، ایندییه قدر ثبت ائدیلن ان یاخین قارشیلاشمالاردان بیرینده یئرین یاخینیندان گئچه‌جک.
آمریکا اولوسال هاواچیلیق و اوزای دایره‌سی ناسا، رابطه اویدولارین‌دان داها آشاغیدان گئچه‌جک اولان کامیون بؤیوکلوگون‌ده‌کی بیر آسترویدین جمعه گونو یئرین ۳ مین ۶۰۰ کیلومتر استونده گؤروله‌جیگینی آچیقلادی.
ناسا، یئنی کشف ائدیله‌ن آسترویدین جمعه آخشامی گونئی آمریکانین گونئی اوجونون یوخاریسیندا گؤروله‌جگینی بیلدیردی.
آسترویدین یئرله توققوشما احتمالی یوخدور آنجاق بو، اولدوقجا یاخین بیر گئچیش اولاجاق.
بیلیم اینسانلاری، آسترویدین اتموسفرده یاناجاغینی و بعضی پارچالارین احتمالاً گؤی‌داشی اولاراق دوشه‌جگینی سؤیله‌دی.
جمعه ائرته‌سی گونو کشف ائدیله‌ن ۲۰۲۳ بی‌یو اولاراق بیلینن آسترویدین اؤلچوسونون ۳،۵ متر ایله ۸،۵ متر آراسیندا اولدوغو دوشونولور.
