بیرلشمیش عرب امیرلیکلری آیا اوزای گمیسی گؤندردی

بیرلشمیش عرب امیرلیکلرینین، "راشد" آدلی اوزای گمیسی کشف آماجی ایله آیا گؤندریلدی.

بئله‌لیکله، بیرلشمیش عرب امیرلیکلری آیا اوزای گمیسی گؤندره‌ن ایلک عرب اؤلکه‌سی اولدو.

بیرلشمیش عرب امیرلیکلرینین رسمی آژانسی وام‌دا یئر آلان خبره گؤره  بیرلشمیش عرب امیرلیکلرینین، "راشد" آدلی اوزای گمیسی، آمریکانین فلوریدا ایالتینده‌کی کیپ کاناورال مرکزیندن، آمریکا اوزای گمیسی و راکت اۆره‌تیچی‌سی اسپیس اکس‌ین فالکون ۹ راکتی ایله اوزایا آتیلدی.

خبره گؤره، اوزای گمیسینین تخمیناً ۵ آی سونرا آیا چاتاجاغی گؤزله‌نیلیر.

بیرلشمیش عرب امیرلیکلرینین ۳۰ نوامبردا کشف آماجی ایله گؤندرجگی اوزای گمیسینین آتیلما تاریخی ایکی دفعه ائرته‌لنمیشدی.

اوزای گمیسینین آیین ژئولوژیک قورولوشو، قایالار، پلازما، توز، آی تورپاغی ایله باغلی آراشدیرمالار و یئنی تکنیکلر گلیشدیریلمه‌سی اوچون بیلگی توپلاما کیمی وظیفه‌لری یئرینه یئتیره‌جگی قید ائدیلدی.