اردوغان: تورکیه، یالان خبره ان چوخ معروض قالان اؤلکه‌لردن بیریدیر
"طرفسیز خبر وئرمه یئرینه تورکیه ایله حسابلاشماغی هدفله‌یه‌ن یاناشمالاردان ال چکیلمه‌سی لازیم اولدوغونو هر فورصت‌ده و پلتفورمدا ایفاده ائدیریک"
جمهورباشقانی رجب طیب اردوغان، اولوسلارآراسی مئدیانی ترور سالدیریلارینداکی ایکی اۆزلو توتوم ندنی ایله تنقید ائتدی.
جمهورباشقانی اردوغان ایله‌تیشیم باشقانلیغی طرفین‌دن ایستانبول‌دا گئچیریله‌ن ۲.جی اولوسلارآراسی استراتژیک ایله‌تیشیم ذیروه‌سینه ویدئو مئساژ گؤندردی.
مئساژیندا دیجیتاللاشما ایله بیرلیکده ایله‌تیشیم واسطه‌لرینده و خبر قایناقلاریندا بؤیوک دییشیکلیکلر گئرچکلشدیگینی وورغولایان اردوغان،
"البته، هر یئنیلیک کیمی، ایله‌تیشیم ساحه‌سین‌ده‌کی بو دییشیک‌لیک ده اؤزو ایله موختلیف ریسکلر و فورصتلر گتیریر" دئدی.
دؤولتلر آراسی گرگینلیک و رقابت‌ده دیجیتال کاناللارین بؤیوک پسیکولوژیک عملیات عنصورو اولاراق داها چوخ ایستیفاده ائدیلدمه‌یه باشلاندیغینی وورغولایان اردوغان:
"تورکیه استراتژیک مؤوقعیتی، یئریتدیگی اؤزگون سیاستلر، بؤلگه‌سل و کۆره‌سل مسئله‌لرده اورتایا قویدوغو ایلکه‌لی دوروش ندنی ایله دونیادا اۆره‌تیلمیش و مقصدلی یالان خبره ان چوخ معروض قالان اؤلکه‌لردن بیریدیر" دئدی.
"سون اولاراق ۱۳ نوامبردا ایستانبولون ایستیقلال جاده‌سین‌ده تؤره‌دیله‌ن ترور سالدیریسین‌دان سونرا شاهید اولدوغوموز بعضی اولوسلارآراسی مطبوعات قورولوشلارینین خبر دیلی فاعللرین ایشینه یارامیشدیر" دئین اردوغان:
"طرفسیز خبر وئرمه یئرینه تورکیه ایله حسابلاشماغی هدفله‌یه‌ن بو جور یاناشمالاردان ال چکیلمه‌سی لازیم اولدوغونو هر فورصت‌ده و پلتفورمدا ایفاده ائدیریک" دئدی.
ایلگیلی‌لی خبرلر
کیچیک گزه‌گن یئرین چوخ یاخینیندان گئچه‌جک
کیچیک گزه‌گن، ایندییه قدر ثبت ائدیلن ان یاخین قارشیلاشمالاردان بیرینده یئرین یاخینیندان گئچه‌جک
روسیا و ایران مرکزلی هکرلرله باغلی اویاری
«ائیلملر، بللی بیر فردین و یا قروپون هدف آلیندیغی، کیملیک اووو سالدیریلارینین معمول بیر اؤرنه‌گیدیر»
